క్యాప్సికమ్ లో దాగివుండే ఆరోగ్య ప్రయోజనాలు

Posted: 04/30/2015 05:21 PM IST

Capcicum bell peppers nutrients health benefits

పోషకాలు ఎక్కువగా నిల్వవుండే ఆహారపదార్థాల్లో క్యాప్సికమ్ ఒకటి! ఇందులో మానవ శరీరానికి అవసరమయ్యే ఔషధగుణాలు చాలా వున్నాయి. వీటిని బెల్ పెప్పర్స్ అని కూడా అంటారు. వీటిలో విటమిన్ సి, బి, ఇ, ఫోలిక్ యాసిడ్లు, యాంటీ ఆక్సిడెంట్స్ వంటి పోషగుణాలు పుష్కలంగా ఉన్నాయి. వీటితోపాటు కోబాల్ట్, జింక్, కాపర్, మెల్డినిమ్, మెగ్నీషియం, పొటాషియం వంటి ఆరోగ్య ఖనిజాలు కూడా ఇందులో వుంటాయి. ఈ పోషక విలువలు ఎన్నోరకాల వ్యాధుల నుంచి శరీరాన్ని రక్షించడంతోపాటు నిత్యం ఆరోగ్యంగా వుండేలా చేస్తాయి. అందుకే.. వీటిని నిత్యం డైట్ లో చేర్చుకుంటే ఎంతో ఆరోగ్యంగా వుండొచ్చు. మరి.. వీటితో కలిగే ఆరోగ్య ప్రయోజనాలేంటో తెలుసుకుందామా...

1. క్యాప్సికమ్ లో విటమిన్ సి అధిక మోతాదులో వుంటుంది. ఇది రక్తం గడ్డకట్టడాన్ని నివారిస్తుంది. దాంతో స్ట్రోక్ ను నివారించుకోవచ్చు.
2. వీటిలో వుండే యాంటీ ఫంగల్, యాంటీ బ్యాక్టీరియల్ వంటివి ఫంగల్ ఇన్ఫెక్షన్, బ్యాక్టీరియల్ ఇన్ఫెక్షన్స్ ను నివారించడంలో సహాయపడుతాయి.
3. క్యాప్సికమ్ లో ఉండే యాంటీ మైక్రోబల్ లక్షణాలు గొంతు నొప్పి, గొంతు బొంగురుపోవడాన్ని నివారించడంలో ప్రత్యేకపాత్ర పోషిస్తాయి.
4. ఇటీవల జరిగిన కొన్ని పరిశోధనల్లో క్యాప్సికమ్ కొలెస్ట్రాల్ ను తగ్గిస్తుందని నిర్ధారించారు. దీన్ని రెగ్యులర్ డైట్ లో చేర్చుకుంటే కొలెస్ట్రాల్ తగ్గుతాయని నిపుణుల సలహా!
5. క్యాప్సికమ్ లో వుండే యాంటీ బ్యాక్టీరియల్ లక్షణాలు.. ముక్కు నుండి రక్తస్రావం జరగకుండా సహాయపడుతాయి.
6. క్యాప్సికమ్ లో ఉండే యాంటీఆక్సిడెంట్స్ స్కిన్ డ్యామేజ్ కు కారణం అయ్యే ఫ్రీరాడికల్స్ ను తగ్గిస్తుంది.
7. జీర్ణక్రియను రెగ్యులేట్ చేస్తుంది. జస్టేషనల్ సమస్యల(ఫ్లాటులెన్స్, స్టొమక్ అప్ సెట్)ను, డయేరియా అబ్డామినల్ క్రాంప్ ను, స్టొమక్ అల్సర్ ను నివారిస్తుంది.
8. క్యాప్సికమ్ లో పుష్కలంగా వుండే కేయాన్.. ఓ పెయిన్ రిలీఫ్ గా పనిచేస్తుంది. ఆర్థరైటిస్, రుమటాయిడ్స్ వంటి వ్యాధులను నివారిస్తుంది.