‘‘లెమన్ టీ’’ తాగండి.. ఆరోగ్యంగా వుండండి!

Posted: 09/25/2014 03:02 PM IST

ప్రస్తుతకాలంలో టీలో ఎన్నోరకాల పానీయాలు అందుబాటులో వున్నాయి. అయితే టీలో వున్న రకాలన్నింటిలోలెమన్ టీ ఆరోగ్యానికి ఎంతో శ్రేయస్కరం! ఇందులో కొన్ని ప్రత్యేకమైన ఫ్లేవర్స్ జోడించడం వల్ల ఇది ఎంతో రుచిగా వుండటంతోపాటు ఆరోగ్యంగా వుండేందుకు సహాయపడుతుంది. ముందుగా నీటిని బాగా మరిగించి, అందులో టీ పౌడర్ వేసి ఉడికించాలి. తర్వాత అందులో నిమ్మరసం లేదా నిమ్మతొక్కలు (లెమన్ స్లైస్) జోడించాలి. చివరగా అందులో పంచదార లేదా కొంచెం తేనె కలిపాలి. ఇలా ఈ విధంగా రకరకాల ఫ్లేవర్స్ వేయడం వల్ల అందులో వున్న పోషకపదార్థాలు ఆరోగ్యంగా వుండేందుకు తోడ్పడుతాయి. ఈ టీ ద్వారా కలిగే ఆరోగ్య ప్రయోజనాలేంటో తెలుసుకుందాం...

1. ఇది జీర్ణ వ్యవస్థను మెరుగుపరచడంలో కీలకపాత్ర పోషిస్తుంది. మొత్తం జీవక్రియలను శుభ్రం చేసి, టాక్సిన్స్ ను బయటకు పంపించడానికి సహాయపడుతుంది.

2. నాడీవ్యవస్థను చురుగ్గా వుంచి, మెదడుకు అవసరమయ్యే సామర్థ్యం, బలాన్ని చేకూర్చుతుంది. అందుకే లెమన్ టీ తాగిన తర్వాత తలనొప్పి, స్ట్రెస్ తగ్గుతుంది. ఒత్తిడి ఎక్కువగా వున్నప్పుడు ఒక కప్పు లెమన్ టీ తాగితే భావోద్వేగాలను నివారించి, రిలాక్స్ గా వుండేందుకు తోడ్పడుతుంది.

3. శాస్త్రవేత్తలు నిర్వహించిన పరిశోధనల ప్రకారం.. లెమన్ టీ గుండె సంబంధిత వ్యాధులను నివారించడంలో అద్భుతంగా సహాయపడుతుంది. టీలో వుండే ప్లెవనాయిడ్స్ ‘‘ఇన్ల్ఫమేషన్’’ను తగ్గిస్తుంది.

4. సాధారణంగా శరీరంలో గ్లూకోజ్ నుంచి ఎనర్జీ విడుదల అవ్వడానికి ఇన్సులిన్ చాలా అవసరం అవుతుంది. ఒకవేళ ఆ ఇన్సులిన్ తగ్గితే.. అనేక అనారోగ్యాల బారిన పడాల్సి వస్తుంది. అటువంటి ఇన్సులిన్ యాక్టివిటీని ప్రోత్సాహించడంలో లెమన్ టీ కీలక పాత్ర పోషిస్తుంది.