‘‘లెన్స్’’ వాడుతున్నారా? అయితే జాగ్రత్త!

Posted: 02/20/2014 06:57 PM IST

ఈమధ్య కాలంలో ‘‘లెన్స్’’ వాడకం చాలా ఎక్కువ అయిపోయింది. కొందరు వీటిని ఫ్యాషన్ కోసం ఉపయోగిస్తే.. మరికొందరు సైట్ ప్రాబ్లంతో వినియోగించుకుంటున్నారు. అమ్మాయిలు, అబ్బాయిలైతే తమ దుస్తులకు అనుగుణంగా వుండే రంగులకు మ్యాచ్ అయ్యేట్టట్లు వీటిని ఎంచుకునిమరీ తీసుకుంటున్నారు. కానీ వీటిని వాడేటప్పుడు కొన్ని జాగ్రత్తలు తీసుకోవాలని నిపుణులు హెచ్చరిస్తున్నారు. మనం వీటిని ధరించడానికి ముందు చేసుకునే అలంకరణ.. అంటే కళ్లకు కాటుక, మస్కారా, ఇతరత్ర పనులన్ని ముగించుకున్న తర్వాతే వీటిని ధరించాలని నిపుణులు చెబుతున్నారు.

ఎందుకంటే అలంకరణ సామాగ్రిలో వున్న కెమికల్స్ ఈ లైన్స్ పై పడితే... అవి మనం ధరించినప్పుడల్లా మెల్లగా కంటికి ఇన్ ఫెక్షన్ సోకే అవకాశం వుంది. అదే విధంగా లెన్స్ ను తీయకముందే మన మేకప్ మొత్తాన్ని తొలగించాలని అంటున్నారు నిపుణులు. అంతేకాకుండా వీటిని ఖాళీ ప్రదేశంలో ఎక్కువగా పెట్టకూడదు. వీటిని మనం ధరించేమందు చేతులను శుభ్రం చేసుకోవాలి. చాలావరకు మన చేతులు పొడిగా వుండేటట్లు జాగ్రత్త వహించాలి. లెన్స్ లు వుండే ప్రదేశంలో అలంకరణకు సంబంధించి సామాగ్రిలు ఏవైనా అంటే హెయిర్ డ్రైలు, లోషన్లూ, డియోడరంట్, ఇంకా మిగతా సామాగ్రిలు లేకుండా జాగ్రత్తలు తీసుకోవాలి. ఇలా చేయకపోతే మనం మన చేతాలారా మన కళ్లను నాశనం చేసుకునే వాళ్లవుతాం.