కొత్తగా ఆఫీసులో చేరుతున్నారా ?

Posted: 11/30/2013 09:06 PM IST

మీరు కొత్తగా ఉద్యోగంలోకి చేరుంటే లోలోపల భయం, అక్కడి వాతావరణం ఎలా ఉండబోతుందనే టెన్షన్ ప్రతి వారిలో ఉంటాయి. అలా కొత్తగా ఉద్యోగంలో చేరే వారు వీటిని తప్పక అనుసరించండి.

-ఆఫీసుకు వెళుతూనే మీ బాస్, సహోద్యోగులందర్నీ పరిచయం చేసుకోండి. వారిని కలవడానికి ప్రత్యక్షంగా వీలుకాకపోతే ఇంటర్‌నల్ సోషల్‌నెట్‌వర్క్ ద్వారా అయినా మీ గురించి తెలియజేయండి.

- ముందుగా మీ కంపెనీ ప్రధాన సేవల్ని, ఉత్పత్తుల్ని, లక్ష్యాలను గురించి తెలుసుకోండి.

- సంస్థ కార్యకలాపాలలో చురుగ్గా పాల్గొనండి. అయితే ఎక్కడా అత్యుత్సాహం ప్రదర్శించకండి.

- విధుల్లో భాగంగా మీకు ఎలాంటి సందేహం తలెత్తినా వెంటనే సీనియర్లను అడిగి నివృత్తి చేసుకోండి. మొహమాటానికి పోయి మౌనంగా ఉండిపోకండి.

- సహోద్యోగులందరితో సఖ్యతగా మెలగండి. ఉత్తమ సంబంధబాంధవ్యాలను నెరపండి. భవిష్యత్తులో అవన్నీ పనికొస్తాయి.

- వారానికి, నెలకు ఒకసారి మీ పనితీరు గురించి మీ బాస్ ద్వారా ఫీడ్‌బ్యాక్ తీసుకోండి. మీ బలాలు, బలహీనతలను తెలుసుకుని ఒక అంచనాకురండి. అవసరమైతే పనితీరును మెరుగుపరుచుకోవడం, స్వభావాన్ని మార్చుకోవాలి.

- కంపెనీ యాజమాన్యం అడిగినప్పుడు మాత్రమే.. సంస్థ అభివృద్ధికి అవసరమైన సలహాలను ఇవ్వొచ్చు. అభ్యంతరం లేని ఫిర్యాదులను చేయవచ్చు.

- సామాజికసేవలో పాల్గొనే సంస్థ ఉద్యోగుల బృందాలలో కలవండి. మీరు కూడా భాగస్వాములుకండి.

-ఆఫీసులో పని వాతావరణాన్ని దెబ్బతీసే సంభాషణలకు తావివ్వకండి. అనవసరమైన గాసిప్స్, పాలిటిక్స్ జోలికి వెళ్లకపోవడమే ఉత్తమం.