‘కలలు కనండి, వాటిని సాకారం చేసుకోండి’

Posted: 04/04/2015 04:58 PM IST

Naga chaitanya redbull f1 show run promotion promo video

‘జోష్’ సినిమాతో టాలీవుడ్ కి ఎంట్రీ ఇచ్చిన అక్కినేని వారసుడు నాగచైతన్య.. ఆ తర్వాత సమంతాతో కలిసి ‘మాయ’ చేశాడు. ఆ తర్వాత ఇతను నటించిన సినిమాలు అంతగా సక్సెస్ కాలేదు. అయితే.. కుటుంబసభ్యులతో కలిసి ‘మనం’ చిత్రం ద్వారా ప్రేక్షకుల గుండెల్లో నిలిచిపోయాడు. ఇక ఇటీవలే ఈ హీరో ‘ఓ లైలా కోసం’ చేసిన ప్రయత్నం ఫర్వాలేదనిపించింది. ప్రస్తుతం ఈ హీరో కృతిసనన్ తో జతకట్టి త్వరలోనే ‘దోచేయ్’డానికి సిద్ధమవుతున్నాడు.

ఇదిలావుండగా.. ‘కలలు కనండి, వాటిని సాకారం చేసుకోండి’ అని మాజీ ప్రధాని అబ్దుల్ కలాం చెప్పిన మాటలు అందరికీ గుర్తుండే వుంటాయి. ప్రస్తుతం నాగచైతన్య ఆ మాటలనే పాటిస్తున్నాడు. ఏదో ఒక రోజు మన కలలు తప్పకుండా నెరవేరుతాయని ఈ యంగ్ హీరో చెబుతున్నాడు. ఇప్పుడీ ప్రస్తావన ఎందుకొచ్చిందంటే.. నాగచైతన్య కూడా గత కొన్నాళ్ల నుంచి ఓ విషయంలో కలలు కంటూ వస్తున్నాడు. ఇప్పుడు చాలారోజుల తర్వాత అది నెరవేరడంతో ఫుల్ హ్యాపీగా వున్నాడు.

విషయం ఏంటంటే.. నాగచైతన్యకి చిన్నప్పటి నుంచి కార్ల పిచ్చి ఎక్కువగా వుండేది. రేసింగ్ అంటే పడిచచ్చేవాడు కూడా! అప్పటి నుంచి రేసింగ్ లో పాల్గొనాలన్న కోరిక ఇప్పుడు తాజాగా నెరవేరింది. ‘రెడ్ బుల్ ఎఫ్1 షో రన్’ ప్రమోషన్ కోసం చిత్రీకరించిన ప్రోమో వీడియోలో చైతు పాల్గొన్నాడు. ఈ అవకాశం ఓ యాడ్ రూపంలో రావడంతో చైతూ చాలా సంతోషంగా వున్నాడు. కలలు కంటే అవి ఖచ్చితంగా నెరవేరుతాయనే నమ్మకాన్ని వ్యక్తం చేస్తున్నాడు.

ఈ నేపథ్యంలోనే చైతూ ట్విటర్ లో.. ‘ఇదిగో.. కలలు కంటే ఇలాగే నెరవేరుతాయి. ఈ ప్రోమో వీడియో షూటింగ్ బాగా ఎంజాయ్ చేశాను’ అంటూ ట్వీట్ చేశాడు. అందుకు సంబంధించిన ఫోటోలను కూడా ఈ హీరో పోస్ట్ చేశాడు.