పూరి జగన్నాథ్.. తెలుగు చిత్ర పరిశ్రలో ఉన్న డైరెక్టర్లలో ఒక డిఫరెంట్ డైరెక్టర్. ఎన్నో విభిన్నా కథాంశాలతో సినిమాలు ప్రేక్షకుల మనస్సులతో పాటు యూత్ ని బాగా ఆకర్షించాడు. పూరిజగన్నాథ్ తీసిన ‘పోకిరి’ ఏ రేంజ్ లో హిట్ అయ్యిందో అదే రేంజ్ లో తాజాగా తీసిన ‘బిజినెస్ మెన్’ అదే రేంజ్ లో బిజినెస్ చేస్తుంది. మరి ఆ సందర్భంగా పూరి చెప్పిన కొన్ని విషయాలు.....పరిశ్రమ రికార్డ్‌! ముందే చెప్పినట్టు.. భారీ అంచనాలను అందుకుంది మా బిజినెస్‌. అమెరికా, బ్రిటన్‌ అన్నిచోట్లా అద్భుత వసూళ్లు సాధించింది. రాజమండ్రిలో ఎలానో చికాగోలోనూ అలానే నడుస్తోందీ సినిమా.

బిజినెస్‌ థ అలా ఉంచితే.. ముఖ్యంగా మహేష్‌ చెప్పిన సంభాషణలకు విపరీతమైన స్పందన వస్తోంది. రెండున్నర గంటలు నాన్‌స్టాప్‌గా ఒకే మనిషి చెప్పే డైలాగ్స్‌ వినడం కష్టం. చెప్పింది మహేష్‌ కాబట్టే వింటున్నారు. పరిపూర్ణుడు: నిజానికి ఈ సినిమా కథ తెలీకుండానే మహేష్‌ సగం షూటింగ్‌ పూర్తిచేశాడు. ఆ తర్వాత కథ విన్నాడు. అయినా..ఎక్కడా కంటిన్యుటీ అనేది చెడలేదు. ఓ నటుడిగా మహేష్‌ ఇప్పుడు పరిపూర్ణుడు. వాయిస్‌ నుంచి అన్నిటా మెరుగయ్యాడు. ‘పోకిరి’కి ఇప్పటికీ ఎంతో తేడా వచ్చింది.

చెప్పినవన్నీ నిజాలే:  మనం నమ్మే నీతినియమాలు, సిద్ధాంతాల నుంచి పుట్టిన కథ బిజినెస్‌మేన్‌. హీరో సమాజానికి వ్యతిరేకంగా ఉంటాడు. కానీ చెప్పేదాంట్లో అంతా నిజమే ఉంటుంది. అది జనానికి బాగా కనెక్ట్‌ అయింది. అలాగే సినిమాలో చూపినట్టు అన్నీ జరగవు కదా! అంటున్నారు. స్క్రీన్‌ప్లే విషయంలో మరీ వివరణాత్మకంగా వెళితే జనాలకి నచ్చదు. అందుకే ఏం చూపించాలో అదే చూపించాను. సినిమాలో లోపాలు వెతికితే చాలా ఉన్నాయి. అవన్నీ తెలియక కాదు. వదిలేయాల్సినవి వదిలేసి జనాలకు కావాల్సిందే చూపాను. ఈ సినిమా డాక్టర్లు, ఐపిఎస్‌లను సైతం మెప్పించింది.

హీరో ఎవరి మాటా వినడు:  జీసస్‌,గౌతమ బుద్ధుడు ఏ మనిషి మాట విన్నారు? మనం చేయాలనుకున్నది చేయడమే. ఆపితేనే సమస్య. అన్నిటా వెనుకబడిపోతాం. మనం ఏం నేర్చాం అనేదానిని బట్టి ఏదైనా పుడుతుంది. నా నిజజీవితం నుంచి నేర్చుకున్నవే కథ, డైలాగుల్లో రాస్తాను. అలాగే నేను అనే స్వార్థం మనిషికి అవసరం. అది లేకపోతే ఏదీ లేదు. ఇదంతా నాకెందుకు ..అని అనుకుంటే ఇక సన్యాసి అయిపోయినట్టే. అదే స్వార్థాన్ని నా హీరోకి ఆపాదించాను. ఈ స్క్రిప్టుకి మహేష్‌ని తప్ప వేరెవరినీ ఊహించలేం.

నా పాత్రే అది:  ఈ సినిమాలో మహేష్‌ పాత్రలో నేనే కనిపిస్తాను. ఆ పాత్రలో ఫిలాసఫీ అనేది ఉంటుంది. జీవితంలో ఎన్నో దెబ్బలు తింటేనే అదొస్తుంది. నమ్మినవారు మోసం చేసినా, అపజయా లతో విపరీతంగా విసిగిపోయినా.. ఆ తరహా డైలాగులు పుడతాయి. కామెడీ

కుదరదు: ‘బిజినెస్‌మేన్‌’ స్క్రిప్టులో ఓ ఫైర్‌ ఉంది. మహేష్‌ పాత్ర ఓ ఫైర్‌తో ముందుకెళుతుంటుంది. అలాంటి సమయంలో ప్రత్యేకంగా కామెడీకి ట్రాక్‌ పెడితే బావుండదు. సీరియస్‌నెస్‌ తగ్గుతుంది. నిజానికి ‘పోకిరి’లోనే కామెడీనే తీసేయమన్నారు. కృష్ణ తర్వాత మహేష్‌: మహేష్‌ ఏదైనా సింగిల్‌ టేక్‌లో చేసేసేవాడు. పేజీన్నర డైలాగులు ఏ కంఠతా లేకుండా చెప్పేసేవాడు. నేను స్పాట్‌లో చెప్పింది చెప్పినట్టే చెప్పేసేవాడు. అప్పట్లో సూపర్‌స్టార్‌ కృష్ణ మాత్రమే అలా చెప్పేవారు. ఈ సినిమా టైంలో తనే గుర్తొచ్చారు.

బిజినెస్‌ కోసం: ముంబైని ...చ్చ పోయించకపోతే..మనం బతకలేం. ఎందుకంటే బిజినెస్‌ జరగాలి కదా. అందుకే పోయించాం.

స్క్రిప్టు మార్కెట్లోకి: మా ఇంట్లో ‘తోటికోడళ్లు’ స్క్రిప్టు ఉండేది. చిన్నప్పుడే ఓ సారి చదివి సినిమా స్క్రిప్టు ఇలా ఉంటుందా? అని తెలుసుకున్నా. అలాగే అంతా తెలుసుకోవాలనే ‘బిజినెస్‌మేన్‌’ స్క్రిప్టును పుస్తకంగా రిలీజ్‌ చేయనున్నా. సంభా షణలు సహా అన్నీ అందులో ఉంటాయి.

హిందీలోనూ.. ‘బిజినెస్‌మేన్‌’ను రీమేక్‌ చేయనున్నాం. మహేషే హీరో. అదేగాక ‘బిజినెస్‌మేన్‌-2’ కూడా రాస్తున్నా. సీక్వెల్‌లోనూ ప్రిన్సే హీరో. తదుపరి రవితేజ, ఎన్టీఆర్‌లతో సినిమాలున్నాయి. వాటి మధ్యలోనో లేదా పూర్తయ్యాకో సెట్స్‌కెళతాం. అలాగే ‘బిజినెస్‌..’ కథను ఉత్తరాది వారికి అనుగుణంగా మార్చుకోవాల్సి ఉంది. కొన్ని కరెక్షన్లు, మార్పులు ఉంటాయి. ఇక్కడైతే మహేష్‌తో మ్యాజిక్‌ చేయొచ్చు. అక్కడ పరిస్థితులు వేరు. అయినా బాలీవుడ్‌లో మహేష్‌ లాంటి వాడు ఉండాలి కదా!

నిర్మాత గ్రేట్‌: ప్రతి సినిమాకి పైసలు పెట్టా. ఈ సినిమాకి బ్రెయిన్‌ కూడా పెట్టానన్నారు నిర్మాత వెంకట్‌. 3 నెలల్లో నేను సినిమా

పూర్తిచేస్తే.. 6నెలల ముందునుంచి థియేటర్‌ రిలీజ్‌ ప్లాన్‌ చేశారాయన. నాపై నమ్మకంతో కథ కూడా వినకుండా సినిమా తీశారు.

రూల్‌ చేయాలి: సమాజాన్ని రూల్‌ చేయాలన్న ఆలోచన ప్రతి ఒక్కరిలో ఉంటుంది. స్వార్థం మంచిది కాదు అంటారు. లేకపోతే ఎలా? ఈగో కూడా ఉండాలి. ఇదంతా ఎందుకులే అనుకుంటే మనిషి సన్యాసి అవుతాడు. ఈ సినిమాలో మహేష్‌ పాత్ర నుంచి ఇవన్నీ నేర్చుకోవాల్సినవే.