దేహాలు మాత్రమే కాదు.. అవి కూడా ముఖ్యమే!

Posted: 07/28/2015 03:33 PM IST

ప్రస్తుత ఆధునిక ప్రపంచంలో ప్రతిఒక్కరు శృంగారమంటే రెండు శరీరాల కలయికగా భావిస్తుంటారు. ఇలాంటి భావన వుండటం వల్లే చాలాజంటలు ఆ కార్యాన్ని తూతూమంత్రంగా పూర్తి చేస్తుంటారు. ఇలా పాల్గొనడం వల్ల కేవలం శృంగారకోరిక మాత్రమే తీరుతుంది కానీ.. పూర్తిగా భావప్రాప్తి మాత్రం పొందలేరని అంటున్నారు. కాబట్టి.. ఇలాంటి ఆలోచన ఉన్న యువతీ యువకులు తమ భావనను మార్చుకోవాల్సిన అవసరం ఎంతైనా ఉందని సెక్స్ నిపుణులు సలహా ఇస్తున్నారు. శృంగారానికి కావాల్సింది రెండు దేహాలు మాత్రమే కాదనీ, ప్రేమ, అప్యాయత, భద్రత, బాధ్యత, బంధం, నమ్మకం అనేవి ఉండాలని వారంటున్నారు.

ఈ ఫాస్ట్ జనరేషన్ లో జంటలు కేవలం తమ దినచర్యలకే ఎక్కువ ప్రాధాన్యతనిస్తూ.. అత్యంత విలువైన శృంగార జీవన మాధుర్యాన్ని మాత్రం పట్టించుకోవడం లేదని పరిశోధనల్లో తేలింది. శృంగారానికి తమ జీవితంలో చివరి స్థానం ఇచ్చే దంపతుల్లో ఏదో అసంతృప్తి కూడా అంతేస్థాయిలో వుంటోందని తెలిసింది. పడక గది అవతల, ఇంటి లోపల, బయటా భార్యా భర్తలు ప్రేమగా, సన్నిహితంగా పరస్పర గౌరవంతో మెలగకపోతే బెడ్‌రూమ్‌లోకి ప్రవేశించాక.. చుట్టూ ఉన్న వాతావరణం ఎంత అందంగా ఉన్నా.. వారు మానసికంగా శారీరక కలయికకు సిద్ధం కాలేరంటున్నారు. పైపెచ్చు.. శృంగారానికి మానసిక సాన్నిహిత్యం, దానిలోంచి పుట్టిన భావ వినిమయం, భావ ప్రకటనలు అనేవి చాలా ముఖ్యమని అంటున్నారు.

అంతేకాకుండా, శృంగారం ఇక్కడ దేహభాష మాత్రమే కాదనీ, మనోభాష కూడా అని చెపుతున్నారు. ఇక్కడ మనసు శరీరంతో సంభాషిస్తుందని, శరీరం మనసుకు సహకరిస్తుందంటున్నారు. దంపతులు తమ ప్రేమను మనస్ఫూర్తిగా స్పర్శ ద్వారా ప్రకటించుకునే అద్భుతమైన దేహభాష శృంగారమని చెపుతున్నారు. ఇటువంటి శృంగారానికి కావల్సింది కేవలం దేహాలు మాత్రమే కాదు.. ప్రేమ, అప్యాయత, భద్రత, బాధ్యత, బంధం, నమ్మకం అన్ని వుండాల్సిందేనని నిపుణులు సూచిస్తున్నారు. అప్పుడే శృంగారంలో అమితానందం పొందగలరని వారు చెబుతున్నారు.