సెల్ ఫోన్లతో గర్భిణీలు జాగ్రత్త..

Posted: 01/28/2013 06:46 PM IST

ఈరోజుల్లో సెల్‌ఫోన్‌ లేనిదే క్షణం గడవటంలేదు. ఎక్కడెక్కడివారితోనో ఎన్నో విషయాలు సంభాషించందే మనసు శాంతించదు. నిజానికి సెల్‌ఫోన్ల వాడకం మగవారి కన్నా, ఆడవారే ఎక్కువగా వినియోగిస్తున్నారని కొన్ని అధ్యయనాలు వెల్లడించాయి. అది మంచిది కాదని కూడా హెచ్చరిస్తున్నాయి.అయితే తాజాగా గర్భిణులు మొబైల్‌ ఫోన్లో ఎక్కువగా మాట్లాడితే, పుట్టబోయే బిడ్డపై దుష్ప్రభావం చూపుతుందని పరిశోధకులు హెచ్చరిస్తున్నారు. ఏడేళ్ల వయస్సు రాగానే వారి ప్రవర్తనలో అసాధారణ మార్పులు కనిపిస్తాయని కాలిఫోర్నియా, దక్షిణ కాలిఫోర్నియా విశ్వవిద్యాలయాలు తాజా అధ్యయనంలో వెల్లడించాయి. 29వేల మంది పిల్లలపై సర్వే జరుపగా సుమారు 50 శాతం మందిలో ఈ లక్షణాలు కనిపించాయని పేర్కొంది. బిడ్డ గర్భంలో ఉన్నప్పుడు తల్లి మొబైల్‌ ఫోన్లో మాట్లాడితే 30 శాతం, బాల్యం నుంచే ఫోన్లో మాట్లాడే చిన్నారుల ప్రవర్తనలో 20 శాతం మార్పులు కనిపించాయని వివరించింది. గర్భిణులు రోజుకి నాలుగుసార్లు కంటే ఎక్కువగా మొబైల్‌లో మాట్లాడితే, రేడియేషన్‌ ప్రభావం త్వరగా బిడ్డకి చేరుతుందని నిపుణులు హెచ్చరిస్తున్నారు. అందువల్ల చెప్పిన మాట విని, పండంటి బిడ్డ పుట్టేదాకా చెవిదగ్గరకి సెల్‌ని చేర్చకండి.