మలేషియా ఓపెన్ సెమీఫైన్సల్స్ లోకి సైనా నెహ్వాల్

Posted: 04/03/2015 08:00 PM IST

Saina nehwal storms into malaysia open semifinals

ప్రపంచ బ్యాట్మింటన్ ఫెడరేషన్ ప్రకటించిన జాబితాలో ప్రపంచ నెంబర్ వన్ కిరీటాన్ని దక్కించుకున్న భారతీయ ఏస్ షెట్లర్ సంచలనం సైనా నేహ్వాల్ తన జోరును కూడా అదేస్థాయిలో కోనసాగిస్తూ ముందుకు సాగుతోంది. ఇటీవలే ఇండియన్ ఓపెన్ టైటిల్ ను సాధించన సైనా, నిన్న మలేషియా ఓపెన్ బ్యాడ్మింటన్ టోర్నీలో క్వార్టర్ పైన్సల్స్ లోకి దూసుకెళ్లింది. తాజాగా ఇవాళ జరిగిన సెమీ ఫైనల్స్ లోనూ సైనా తన అధిపత్యాన్ని కోనసాగిస్తూ సెమీఫైనల్స్ లోకి దూసుకెళ్లింది.

మలేషియాలోని కౌలాలంపూర్ లో జరుగుతున్న మలేషియా ఓపెన్ టోర్నమెంటు మహిళల సింగిల్స్ విభాగంలో చైనా క్రీడాకారిణి, అన్ సీడెడ్ సన్ యూను అతి కష్టం మీద ఓడించి సెమీఫైనల్స్లోకి దూసుకెళ్లింది. శనివారం జరిగే సెమీస్ లో చైనా క్రీడాకారిణి, పదో ర్యాంకర్ లీ జిన్ తో తలపడనుంది. సన్ యూ మ్యాచ్ లో తొలి రౌండ్లో పూర్తి ఆధిక్యతను ప్రదర్శించిన హైదరాబాదీ షెట్లర్.. రెండో రౌండ్ ప్రారంభంలోనే తడబాటుకు గురైంది. మధ్యలో కొన్ని వరుస పాయింట్లు సాధించిప్పటికీ 15 వ సీడ్ సన్ యూను నిలువరించలేకపోయింది.

దీంతో 18-21 తేడాతో రెండో సెట్ కోల్పోవావసి వచ్చింది. ఇక మూడో రౌండ్లో ఇండియా- చైనాల మధ్య భీకర పోరు జరిగింది. నువ్వా నేనా అన్నట్లుగా సాగిన మూడో రౌండ్లో 21- 17తో హైదరాబాదీ ప్లేయర్ ముందంజవేసింది. ఈ విజయంతో సైనా.. మలేసియా సూపర్ సిరీస్ సెమీస్ లోకి ప్రవేశించింది. ఇటీవలే ఇండియన్ ఓపెన్ సూపర్ సిరీస్ టైటిన్ను కైవసం చేసుకున్న ఆమె.. కెరీర్లో 17 వ టైటిల్ లక్ష్యంగా మరో అడుగు వేసింది.

జి. మనోహర్