టెస్టు సిరీస్ భారత్ వశం.. ప్రతీకారం తీర్చుకున్న టీమిండియా

Posted: 11/27/2015 06:22 PM IST

నాగ్ పూర్ వేదికగా జరుగుతున్న మూడవ టెస్టు లో టీమిండియా విజయభేరి మ్రోగించింది. టీ-ట్వంటీ, వన్డే సిరీస్‌ల్లో దక్షిణాఫ్రికా చేతిలో ఓటమిని చవిచూసిన టీమిండియా.. అసలైన క్రికెట్ కు బాష్పం చెప్పే టెస్టు సీరిస్ లో ప్రతీకారం తీర్చుకుంది. గాంధీ-మండేలా సిరీస్‌లో భాగంగా దక్షిణాఫ్రికాతో జరిగిన టీ ట్వంటీ, వన్డే సిరీస్‌లను కోల్పోయిన భారత్..దక్షిణాఫ్రికాతో జరుగుతున్ననాలుగు టెస్ట్‌ల సిరీస్‌ను మరో మ్యాచ్ మిగిలుండగానే 2-0 కైవసం చేసుకుంది. మూడవ టెస్టులో భారత్ దక్షిణాప్రికాపై పరుగుల విజయాన్ని సాధించింది.

32/2 ఓవర్‌నైట్ స్కోరుతో మూడో రోజు బ్యాటింగ్ ప్రారంభించిన సఫారీ జట్టు భారత స్పిన్నర్ల ధాటికి 185 పరుగులకు ఆలౌట్ అయ్యింది. దీంతో భారత్ 124 పరుగులతో ఘనవిజయాన్నిసాధించింది. ఆమ్లా, డుప్లెసిస్ కొద్ది సేపు ప్రతిఘటించినా మిగతా బ్యాట్స్‌మెన్లు పెద్దగా పోరాడలేకపోవడంతో భారత్ మూడు రోజుల్లోనే టెస్ట్‌ మ్యాచ్‌ను ముగించేసింది. భారత బౌలర్లలో అశ్విన్ 7, మిశ్రా 3 వికెట్లు పడగొట్టారు. మొహలీ, నాగ్‌పూర్ మ్యాచ్‌లలో భారత్ గెలవగా బెంగళూరులో జరిగిన రెండో టెస్ట్ మ్యాచ్‌ వర్షం కారణంగా రద్దయ్యింది. మొదటి టెస్టుల తరహాలోనే మూడో టెస్ట్ లోనూ ఇరు వైపులా స్పిన్నర్ల హవా కొనసాగింది. తొలి ఇన్నింగ్స్ లో ఐదు వికెట్లు, రెండో ఇన్నింగ్స్ లో ఏడు వికెట్లు పడగోట్టిన రవిచంద్రన్ అశ్విన్ కు మ్యాన్ అప్ ది మ్యాచ్ అవార్డు దక్కింది.

టీమిండియా స్కోరు:
తొలి ఇన్నింగ్స్ 215 పరుగలు
రెండో ఇన్నింగ్స్ 173 పరుగులు

దక్షిణాప్రికా స్కోరు: 
తొలి ఇన్నింగ్స్ 79 పరుగలు
రెండో ఇన్నింగ్స్ 185 పరుగులు

జి. మనోహర్