ప్రపంచ కప్ లో డబుల్ హ్యాట్రిక్ దిశగా టీమిండియా..!

Posted: 03/13/2015 09:15 PM IST

ఢిపెండింగ్ ఛాంపియన్లుగా ప్రపంచకప్ బరిలోకి దిగిన టీమిండియా లీగ్ దశలో ఐదు వరస విజయాలతో దూసుకెళ్తూ.. భారత్ చివరి లీగ్ మ్యాచ్కు సన్నద్ధమైంది. ఇప్పటికే వరుసగా ఐదు విజయాలు సాధించి క్వార్టర్స్కు దూసుకెళ్లిన టీమిండియా.. శనివారం జరిగే గ్రూపు-బి పోరులో జింబాబ్వేతో తలపడనుంది. ఈ మ్యాచ్లో జింబాబ్వేను ఓడించి లీగ్ దశను విజయంతో ముగించేందుకు ధోనీసేన సిద్ధమవుతోంది. లీగ్ దశలో ఇప్పటికే ఐదు విజయాలతో గ్రూపు-బిలో టాపర్గా కొనసాగుతోంది. ఇక జింబాబ్వే విషయానికొస్తే ఆడిన ఐదు మ్యాచ్లలో కేవలం ఓ దాంట్లో గెలుపొంది టోర్నీ నుంచి వైదొలిగింది. దీంతో ఈ మ్యాచ్ ఇరు జట్లకు నామమాత్రమే.

అయితే టీమిండియా ఈ మ్యాచ్ను తేలిగ్గా తీసుకోవడం లేదు. కీలక క్వార్టర్స్ పోరుకు ముందు జరిగే ఈ మ్యాచ్లో నెగ్గి లీగ్ దశలో జైత్రయాత్రను పరిపూర్ణం చేయాలని ఆరాటపడుతోంది. టీమిండియా విషయానికొస్తే ఆల్ రౌండ్ షోతో అదరగొడుతోంది. బ్యాటింగ్ లైనప్ బలోపేతంగా ఉంది. ఇక బౌలర్లు అద్భుతంగా రాణిస్తున్నారు. పేసర్లు, స్పిన్నర్లకు తోడు పార్ట్టైమర్లూ సత్తాచాటుతుండటం శుభపరిణామం. ఆడిన ఐదు మ్యాచ్ల్లో భారత బౌలర్లు ప్రత్యర్థి జట్టు ఆటగాళ్లను అలౌట్ చేసి 50 వికెట్లు పడగొట్టారు.. ఈ మ్యాచ్ గెలిచిన అనంతరం క్వార్టర్స్ ఫైనల్ లో బంగ్లాదేశ్ జట్టుతో ధోణి సేన తలపెడే అవకాశాలున్నాయి.

జి. మనోహర్