మైదానంలో ఆ తప్పు చేశాం- ప్లీజ్ క్షమించండి!

Posted: 08/29/2013 12:47 PM IST

ఆస్ట్రేలియాపై యాషెస్‌ సిరీస్‌లో విజయం సాధించిన అనంతరం మైదానంలో మూత్ర విసర్జనకు పాల్పడిన ఇంగ్లండ్‌ జట్టు సభ్యులు అందుకు క్షమాపణ చెప్పారు. ఓవల్‌ మైదానంలో జరిగిన ఐదవ, తుది టెస్ట్‌ డ్రాగా ముగియడంతో ఇంగ్లండ్‌కు 3-0 విజయం లభించింది. దానితో పొద్దుపోయాక ఆ జట్ట్టు సభ్యులు వేడు కలు జరుపుకున్నారు. ఆ సమయంలో బీర్‌ సేవించిన కొందరు ఇంగ్లండ్‌ క్రీడాకారులు మైదానంలో మూత్ర విసర్జన చేయడాన్ని ఆస్ట్రేలియన్‌ జర్నలిస్టులు చూశారు. ఇది వివాదాస్పదమయింది. దీనికి ఇంగ్లండ్‌ అండ్‌ వేల్స్‌ క్రికెట్‌ బోర్డు ఒక ప్రకటనలో క్షమాపణ చెప్పింది. యాషెస్‌ విజయం సందర్భంగా సర్రే కౌంటీ క్రికెట్‌ క్లబ్‌నుగాని, ఓవల్‌నుగాని, మేము అభిమానించే ఆ క్రీడతో సంబంధమున్న ఎవరినీ అవమానించడం మా ఉద్దేశం కాదు, ఆ ప్రతిష్టాత్మక సిరీస్‌ గెలిచామన్న ఆనందంలో మా వ్యవహారశైలి తగిన విధంగా లేదని ఆంగీకరిస్తున్నాం. ఇది ఎవరికైనా తమకు వ్యతిరేకంగా జరిగినదిగా అనిపిస్తే అందుకు క్షమాపణ చెబుతున్నాం. ఇది ఏ విధంగా వ్యవహరించాలనే దానిలో ఏర్పడిన లోపమేగాని మరేమీ కాదు' అని ఇంగ్లండ్‌ అండ్‌ వేల్స్‌ క్రికెట్‌ బోర్టు తమ క్రీడాకారుల తరఫున విడుదల చేసిన ఒక ప్రకటనలో పేర్కొంది.