కలిసిపోయిన సీమాంద్ర-తెలంగాణ ఉద్యోగులు

Posted: 08/09/2013 11:16 AM IST

రాష్ట్ర విభజన ప్రకటన తరువాత సమైక్యాంద్ర కోసం ఆందోళనలు ఆకాశాన్ని తాకాయి. కేసిఆర్ మీడియా ముందు ఆంద్ర ఉద్యోగులు హైదరాబాద్ నగరం విడిచి వెళ్లిపోండి? వారి ప్రాంతాలకు వెళ్లాల్సిందే? వారికి ఎలాంటి ఆఫ్షన్ లేదు అని కారు కూతులు కూసి తరువాత హైదరాబాద్ నగరంలో ఉద్యోగులు రెండు వర్గాలుగా విడిపోయారు. సీమాంద్ర ఉద్యోగులు ఒక యూనిట్ గా ఏర్పడి, సీమాంద్ర ఉద్యోగులు జేఏసి అని నామకరణం చేసుకున్నారు. అలాగే తెలంగాణ ప్రాంత ఉద్యోగులు విడిపోయి మరో వర్గంగా మారిపోయారు. ఏపీ ఎన్జీవో ఉద్యోగులు, టీజీ ఎన్జీవో ఉద్యోగులు తెరపైకి వచ్చారు. ఈ ఇద్దరి మద్య కొన్ని చోట్లు మాటల యుద్దానికి దారి తీసి, చివరకు తోపులాట వరకు వెళ్లిందంటే.. వీరి మద్య ఎంత వైర్యం ఉన్నదో రాష్ట్ర ప్రజలకు తెలిసిపోయింది. ఈ ఇద్దరి మద్య తగదాలు పెట్టి, తన్నుకోండి అని చెప్పిన కేసిఆర్ మాత్రం ఫామ్ హౌస్ లో.. పల్లీల బిర్యానీ తింటూ హాయిగా ఉన్నాడు. అయితే ఉద్యోగుల మద్య ఉద్రేకం మాత్రం రోజు రోజుకు పెరిగిపోతుంది. వీరి మద్య ఉద్రేకాన్ని ఎవరు తగ్గిస్తారు? అది ఎవరి వల్ల సాద్యం అవుతుంది? అది కేవలం ఒక్క దైవం వల్ల అవుతుంది. అవును నిజంగానే అదే జరిగింది. ఉద్రేకంతో ఊగిపోతున్న ఉద్యోగులను ‘నల్లపోచమ్మ ’ శాంతి పరిచింది. ఆవేశంతో ఊగిపోతున్న ఉద్యోగులను చల్లని తల్లి నల్లపోచమ్మ తన ఓడిలోకి చేర్చుకొని ఇద్దరిపై ప్రేమానురాగాలు కురిపించింది.

 

ఇది మన సచివాలయం సాక్షిగా తన ఇద్దరి బిడ్డలను నల్లపోచమ్మ శాంతిపరిచింది. తెలంగాణ ప్రాంతంలో బోనాల ఉత్సవాలు జరుగుతున్న విషయం తెలిసిందే. అయితే ఒక ప్రాంతం పండుగ అని లేకుండా ఇరు ప్రాంతాల ఉద్యోగులు నల్లపోచమ్మ కు బోనాలు సమర్పించారు. ఈ సందర్బంలో తమ మద్య ఉన్న వైరం మరిచిపోయి.. సీమంద్ర ఉద్యోగులు, తెలంగాణ ప ప్రాంత ఉద్యోగులు కలిసి బోనాల ఉత్సవాలు జరుపుకొని కొత్త అర్థానికి నాంది పలికారు. నిన్నటి ఆందోళనలతో మారుమ్రోగిపోయినసచివాలయం ఒక్కసారిగా భక్తి భావంతో, సోదర భావంతో ఉద్యోగులు ఒక్కటయ్యారు. నల్లపోచమ్మ అమ్మవారి ఆలయం వద్ద జరిగిన బోనాల ఉత్సవాల్లో వీరంతా కలిసిపోయి పూజలు నిర్వహించారు. ఇరు ప్రాంత ఉద్యోగులు కలిసి ఉత్సవాల్లో పాల్గొన్నారు. అందరు కలిసి ఒకేచోట భోజనాలు చేయటం జరిగింది. ఇలా కలిసి కలకలం ఉండాలని నల్లపోచమ్మను అందురు వేడుకున్నారు.