మెగాస్టార్ టైటిల్ తో సాయిధరమ్ తేజ సినిమా?

Posted: 09/11/2015 01:10 PM IST

మెగా హీరో సాయిధరమ్ తేజ హీరోగా ‘పటాస్’ ఫేం దర్శకుడు అనిల్ రావిపూడి దర్శకత్వంలో శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఓ చిత్రం నిర్మించనున్న విషయం తెలిసిందే. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయి.

అయితే ఇటీవలే ఈ సినిమా కోసం దిల్ రాజు ఓ క్రేజీ టైటిల్ ను రిజిస్టర్ చేయించినట్లుగా తెలిసింది. ఈ క్రేజీ ప్రాజెక్టుకు ‘సుప్రీం (ఎసి,డిటిఎస్)’ అనే టైటిల్ ను ఫిక్స్ చేసినట్లుగా తెలిసింది. ఇటీవలే ఈ టైటిల్ ను దిల్ రాజు రిజిస్టర్ కూడా చేయించారు.

కానీ ఈ టైటిల్ పై ఇంకా చిత్ర యూనిట్ అధికారికంగా ప్రకటించలేదు. త్వరలోనే అన్ని వివరాలు అధికారికంగా ప్రకటించనున్నారు. ప్రస్తుతం దిల్ రాజు నిర్మాతగా సాయిధరమ్ తేజ హీరోగా నటిస్తున్న ‘సుబ్రమణ్యం ఫర్ సేల్’ సినిమా విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది.