ఇద్దరు సమంతలతో విక్రమ్ రొమాన్స్

Posted: 04/04/2015 06:08 PM IST

సమంత తమిళంలో నటించిన ‘అంజాన్’ సినిమా అట్టర్ ఫ్లాప్ అయినప్పటికీ.. విజయ్ తో నటించిన ‘కత్తి’ చిత్రం ఘనవిజయం సాధించడంతో అవకాశాలు వస్తున్నాయి. ప్రస్తుతం ఈ అమ్మడు తమిళంలో విక్రమ్ హీరోగా తెరకెక్కుతున్న ‘10 ఎన్రాదుకుల్ల’ అనే చిత్రంలో హీరోయిన్ గా నటిస్తుంది.

‘గోలీసోడా’ ఫేం విజయ్ మిల్టన్ దర్శకత్వంలో తెరకెక్కుతున్న ఈ చిత్ర షూటింగ్ శరవేగంగా జరుగుతోంది. ఇందులో సమంత ద్విపాత్రాభినయం చేస్తున్నట్లుగా తెలిసింది. మోడ్రన్ అమ్మాయిగా, నేపాలీ విలేజ్ అమ్మాయిగా రెండు విభిన్న పాత్రలలో నటిస్తోంది. ఈ సినిమాతో తనకు నటిగా మంచి పేరొస్తుందని, తన రెండు పాత్రలకు కూడా ఛాలెంజింగ్ గా వుంటాయని సమంత చెబుతోంది.

జాకీష్రాఫ్ మరియు ఛార్మింగ్ గర్ల్ ఛార్మి ఓ ఐటెం సాంగులో చిందేయనున్నారు. మురుగదాస్ నిర్మిస్తున్న ఈ చిత్రం మే నెలలో విడుదల కానుంది. తెలుగులో కూడా ఈ చిత్రాన్ని డబ్బింగ్ చేసి విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు తెలియనున్నాయి.