భయాన్నే భయపెట్టడానికి సిద్ధమైన త్రిష

Posted: 04/04/2015 03:55 PM IST

త్రిష ఇప్పటి వరకు నటించిన అన్ని సినిమాలు గ్లామర్, లవ్, రొమాంటిక్, కమర్షియల్ చిత్రాల్లోనే నటించింది. కానీ నటిగా తనను తాను నిరూపించుకునే లేడి ఓరియెంటెడ్ చిత్రాల్లో మాత్రం త్రిష నటించలేదు. ప్రస్తుతం తమిళంలో రెండు, మూడు చిత్రాలతో పాటు తెలుగులో బాలయ్య సరసన ‘లయన్’ సినిమాలో నటిస్తుంది. ఈ సినిమా త్వరలోనే ప్రేక్షకుల ముందుకు రానుంది. అయితే త్వరలోనే ఈ అమ్మడు ఓ హర్రర్ సినిమాలో నటించబోతున్నట్లుగా వార్తలొస్తున్నాయి. ఇటీవలే హర్రర్ సినిమాలంటే భయమని చెప్పుకొచ్చింది.

సినీ ఇండస్ట్రీలోకి వచ్చి దాదాపు పదహారేళ్లయినా కూడా ఇప్పటికీ ఒక్క హర్రర్ సినిమా చేయలేదని చెబుతోంది. ఇప్పటివరకు స్టార్, అగ్ర హీరోలందరితో కలిసి దాదాపు యాభై సినిమాల్లో నటించినా కూడా... హర్రర్ సినిమాలంటే భయం అని చెబుతోంది. హర్రర్ సినిమాలంటే తనకు భయమని, అందుకే హరర్ సినిమాలు చేయలేదని చెప్పుకొచ్చింది. హర్రర్ సినిమా ఆఫర్లు చాలా వచ్చినప్పటికీ... కానీ తాను మాత్రం భయంతోనే హర్రర్ సినిమా ఆఫర్లను వదులుకున్నట్లుగా చెప్పేసిందని చెప్పుకొచ్చింది. ఇకముందు కూడా తాను హర్రర్ సినిమాలు చేయనని తెలిపింది.

కానీ ఈ అమ్మడు ఓ హర్రర్ సినిమా ప్రాజెక్టుకు గ్రీన్ సిగ్నల్ ఇచ్చినట్లుగా తాజా సమాచారం. ఈ సినిమాలో త్రిష ద్విపాత్రాభినయం చేయనుందని తెలిసింది. ‘లవ్ యు బంగారమ్’ ఫేమ్ గోపీ ఈ సినిమాను తెరకెక్కించనున్నాడని తెలిసింది. ‘లక్ష్మిరావే మా ఇంటికి’ సినిమాను నిర్మించిన మామిడిపల్లి గిరిధర్ ఈ చిత్రాన్ని తమిళ, కన్నడ భాషలలో నిర్మించనున్నారు. మే నెలలో షూటింగ్ ప్రారంభం కానుందని తెలిసింది. త్వరలోనే అన్ని వివరాలు అధికారికంగా ప్రకటంచనున్నారు.