హిందీ స్టాలిన్ 300 కోట్లు కొడతాడట

Posted: 01/24/2014 12:01 PM IST

మెగాస్టార్ చిరంజీవి నటించిన స్టాలిన్ కి హిందీ రూపాంతరం జయ్ హో ఈ రోజు థియేటర్లలో విడుదలైపోయింది.  సల్మాన్ ఖాన్ నటించిన జయ్ హో ను అతని సోదరుడు సోహిల్ ఖాన్ తన సోహిల్ ఖాన్ ప్రొడక్షన్స్ పతాకం మీద నిర్మించాడు. 

అవినీతిని అంతమొందిస్తామని ఢంకా బజాయిస్తున్న భాజపా, ఈ మధ్య కాలంలో ఆఆపా లకు వచ్చిన ఆదరణ ఎంతుందో దేశమంతా చూసింది.  చట్ట సభల ద్వారా చట్టాన్ని అమలుపరచే పోలీసు శాఖ ద్వారా కాకుండా ఒక సినిమా హీరో ఫక్కీలో ఈ చిత్రంలో తనదంటూ ఒక సేనను తయారు చేసుకుని అవినీతిని అంతమొందించిన తీరు ప్రేక్షకులను ఆకట్టుకుంటుందని సినీ యూనిట్ భరోసాతో ఉంది. 

సినీ విశ్లేషకులు ఏకంగా  ఈ సినిమా 300 కోట్లను వసూలు చేస్తుందని అంచనా వేస్తున్నారు.  అయితే ఓపెనింగ్స్ బ్రహ్మాండంగా ఉన్నా 200 కోట్ల వసూలు చేస్తే ఎక్కువై అంటున్నారు మరి కొందరు.  దబంగ్, దబంగ్-2, ఏక థా టైగర్, బాడీ గార్డ్ సినిమాలు సల్మాన్ కి మంచి పేరు తెచ్చిపెట్టాయి.  అందువలన సల్మాన్ ఖాన్ కి పెరిగిన అభిమానుల సంఖ్య వలన ఓపెనింగ్స్ తో పాటు 200 కోట్లయితే ఖాయమని మరికొందరు అంటున్నారు.

దేవీ శ్రీ ప్రసాద్, సాజిద్ వాజిద్, అను మల్లిక్ లు ఈ సినిమాలో పాటలకి సంగీతం, సందీప్ శిరోడ్కర్ నేపథ్య సంగీతాన్నందించారు.

స్టాలిన్ లో చిరంజీవి పాత్ర సల్మాన్ ఖాన్ వేస్తున్నారని తెలుస్తూనేవుంది.  ఇక సహాయక పాత్రలను చూస్తే, చిరంజీవికి అక్కగా వేసిన ఖుష్బూ పాత్రలో టబు, త్రిష పాత్రలో సనా ఖాన్, ప్రకాశ్ రాజ్ పాత్రలో సునిల్ శెట్టి నటిస్తున్నారు. 

-శ్రీజ