తండ్రి కొడుకులు తమిళ రీమేక్ చిత్రంలో

Posted: 01/14/2014 04:27 PM IST

మెగా అభిమానులకు గుడ్ న్యూస్ లాంటిది ఈ వార్త. కానీ ఇది కార్యరూపం దాల్చితేనే. విషయం ఏంటంటారా. రామ్ చరణ్ , చిరంజీవి కలిసి మల్టీ స్టారర్ చిత్రం చేయబోతున్నారు. అవునా ? ఇది నిజమా అని నోరెళ్ళబెట్టకండి. త్వరలో మెగాస్టార్ తన 150 వ సినిమాకు సిద్దం అవుతున్న విషయం తెలిసిందే. ఇందులో రామ్ చరణ్ నటించబోతున్నాడని అనుకోకండి.

విషయం ఏంటంటే... ఇటీవల తమిళ స్టార్ హీరో విజయ్, మోహన్ లాల్ కలిసి నటించిన ‘జిల్లా ’ సినిమా తమిళ నాట విడుదలైంది. ఈ సినిమాను తెలుగులో రీమేక్ చేయాలని ఆర్బీ చౌదరి చౌదరి ప్లాన్ చేస్తున్నాడట. ఇందులో మోహన్ లాల్ పోషించిన పాత్రను చిరంజీవి, విజయ్ పాత్రను తనయుడు రామ్ చరణ్ తో చేయించాలని చిరంజీవి భావిస్తున్నట్లు ఫిలిం నగర్ లో వార్తలు వినిపిస్తున్నాయి.

ఒకవేళ ఈ వార్త కార్యరూపం దాల్చితే మెగా అభిమానులకు డబుల్ ధమాకానే అని చెప్పవచ్చు. అదీ కాకుండా  గతంలో చౌదరికి చరణ్ ఓ సినిమా చేయాల్సివుంది. అది ఆరంభంలోనే ఆగిపోయింది. సో... ఈ రీమేక్ కి క్రిష్ణవంశీ సినిమాతో పాటే ఇప్పుడు డేట్స్ ఇస్తాడని అంటున్నారు.