రణబీర్ పై మళ్లీ ప్రేమ ఒలకబోస్తుందేంటి?

Posted: 05/14/2015 03:31 PM IST

బాలీవుడ్ లో మొన్నటివరకు ‘నువ్వులేకనేనులేను’ అనే విధంగా వున్న ప్రేమపక్షులు విడిపోయి, కొత్త ప్రేమ కోసం వెతుక్కుంటున్న విషయం తెలిసిందే. ఇపుడు బాలీవుడ్ హాట్ హీరోయిన్ దీపికా పదుకునే పరిస్థితి కూడా అలాగే వుంది. ఈ అమ్మడి పాత ప్రేమాయణం మళ్లీ మొదలైనట్లుగా కనిపిస్తోంది.

ఒకప్పుడు బాలీవుడ్ నటుడు రణబీర్ కపూర్ తో ప్రేమాయణం సాగించిన దీపికా... అతనితో కలిసి డేటింగ్ కూడా చేసింది. అయితే ఇద్దరి మధ్య మనస్పర్థలు వచ్చి విడిపోయారు. దీంతో రణబీర్.. కత్రినాతో ప్రేమలో పడ్డాడు, దీపికా.. రణవీర్ సింగ్ తో ప్రేమలో పడింది. ఇపుడు అంతా బాగానే వున్నారు అనుకునే సమయంలో మళ్లీ వీరిద్దరూ ఒక్కటి కాబోతున్నారంటూ వార్తలొస్తున్నాయి.

దీపికా పదుకునే, రణబీర్ కపూర్ లు కలిసి నటించిన తాజా చిత్రం ‘తమాషా’. అయితే ఈ చిత్ర షూటింగ్ సమయంలో మళ్లీ వీరి ప్రేమ చింగురించినట్లుగా బాలీవుడ్ లో వార్తలు వినిపిస్తున్నాయి. ఈ సంధర్భంగా దీపికా రణబీర్ గురించి మాట్లాడుతూ.. తనకు రణబీర్ అంటే ఇప్పటికీ కూడా చాలా ఇష్టమని, మొదట్లో తమ మధ్య ఎలాంటి ప్రేమ వుండేదో.. ఇపుడు కూడా అదే విధంగా వుందని.. భవిష్యత్తులో కూడా తమ రిలేషన్ అలాగే వుంటుందని దీపికా చెప్పుకొచ్చింది.

దీపికా మాటలు ప్రస్తుతం బాలీవుడ్ లో హాట్ టాపిక్ గా మారాయి. ఒకవైపు కత్రినా, రణబీర్ లు త్వరలోనే పెళ్లి చేసుకుంటారనుకుంటే పెళ్లిని వాయిదా వేసే పనిలో పడ్డారు. మరోవైపేమో దీపికా తన మాజీ ప్రేమను ఇలాంటి మాటలతో మళ్లీ తనవైపుకు తెచ్చుకునే ప్రయత్నం చేస్తున్నట్లుగా బాలీవుడ్ లో గుసగుసలు వినిపిస్తున్నాయి. మరి భవిష్యత్తులో ఏం జరుగనుందో త్వరలోనే తెలియనుంది.