Posted: 11/09/2012 07:16 PM IST

ఒకప్పుడు గుణశేఖర్ సినిమాలు అంటే ఒక క్రేజ్ ఉండేది. ఆయన గతంలో తీసిన బాల రామాయణం, ఒక్కడు,  చిత్రాలు ఎంత పెద్ద హిట్ అయ్యాయో చెప్పనక్కర్లేదు. అతని కెరీర్ లో బ్లాక్ బస్టర్ హిట్ అంటే ఒక్కడు తరువాత ఒక్కటి కూడా లేదు. అతడు తీసిన అర్జున్, సైనికుడు, వరుడు, నిప్పు వంటి సినిమాలు వరుసగా ఫ్లాప్ అయ్యాయి. దీంతో అతని కెరీర్ పై కోలుకోని దెబ్బ పడింది. ఈయన సినిమాల్లో స్టోరీ కంటే సెట్స్ కే ఎక్కువ ప్రాధాన్యం ఇస్తారనే టాక్ ఉంది. ఆయన వేసిన సెట్స్ అదరహో అనే రీతిలో ఉంటాయి. వాటికి తగ్గట్లే బడ్జెట్ కూడా ఖర్చు పెడతారు. ఈయన తీసే సినిమాల్లో ఖచ్చితంగా భారీ సెట్ ఉంటుంది. అలాంటి గుణ శేఖర్ అంటే సినిమా ఇండస్ట్రీలోని నిర్మాతలు  బెంబేలెత్తి పోతున్నారు. ఈయనను నమ్ముకుంటే నిండా మునుగుడే తప్పితే... తేలుడు లేదనే భావనకు వచ్చారు. నిప్పు తరువాత ఈయన ఓ క్రేజీ ప్రాజెక్టును అనౌన్స్ చేశాడు అదే ‘రుద్రమదేవి ’. దీన్ని అనౌన్స్ చేసి సంవత్సరం గడిచినా, దీన్ని నిర్మించడానికి ఎవరూ ముందుకు రాలేదు. చివరికి చేసేది లేక తన సొంతంగా బ్యానర్ ని పెట్టుకొని సినిమాని ప్రారంభించే పనిలో ఉన్నాడు. గుణశేఖర్ మీద నిర్మాతలకు భరోసా లేకుండా పోయిందని, అందుకే సొంత నిర్మాణ సంస్థతో గుణశేఖర్ రంగంలోకి దాగాడని, ఇప్పుడు ఫిలింనగర్ వర్గాల వారు చర్చించుకుంటున్నారు.  'గుణ టీం వర్క్స్' పేరుతో ఓ ప్రొడక్షన్ హౌస్ పేరుతో  'రాణి రుద్రమదేవి ' చిత్రీకరణ వచ్చే ఫిబ్రవరి నుంచి మొదలు పెట్టడానికి సన్నాహాలు చేస్తున్నాడు. మరి గుణం శేఖర్ ఇంత డేర్ చేసి తనే సినిమా తీస్తున్నాడు. ఒకవేళ హిట్ అయితే ఇండస్ట్రీలో ఉంటాడు... లేదంటే అడ్రస్ లేకుండా పోతాడని అనుకుంటున్నారు.