Posted: 11/02/2012 05:56 PM IST

పవర్ స్టార్ పవన్ కళ్యాణ్ హీరోగా, ప్రముఖ దర్శకుడు పూరీ జగన్నాథ్ దర్శకత్వంలో వచ్చిన కెమెరామెన్ గంగతో రాంబాబు సినిమా భారీ అంచనాల విడుదలై నిన్నటికి రెండు వారాలు అయిపోయింది. చాలా సంవత్సరాల తరువాత పూరి, పవన్ కాంబినేషన్ లో వచ్చిన ఈ సినిమా ఫైనల్ రిజల్ట్ ఏమిటి ? ఈ సినిమా నిర్మాతలకు, డిస్టిబ్యూటర్లకు లాభాలు తెచ్చిపెట్టిందా ? పవర్ స్టార్ ఫ్యాన్స్ అనుకున్న రేంజ్ లో ఈ సినిమా ఉందా ? వీటి కలెక్షన్ల పరిస్థితి ఏంటి ? ఈ అన్ని ప్రశ్నలకు ఇండస్ట్రీలో పలు రకాల సమాధాలు చెక్కర్లు కొడుతున్నాయి. సినిమా రిజల్ట్ విషయానికి వస్తే... పవన్ ఫ్యాన్స్ ఎక్స్ పెక్ట్ చేసినంతగా లేదని, గబ్బర్ సింగ్ ని బీట్ చేస్తుందని భావించారు. కానీ తీరా చూస్తే అందులో ఏమీ లేదనే నిర్ణయానికి వచ్చారు. పవన్ సినిమా కదా అని కాస్తంత ఎక్కువ రేటు పెట్టి కొన్న బయ్యర్లకు సినిమా పై వివాదాలు చెలరేగి, కొన్ని సీన్స్ కట్స్ చేయడంతో ప్రేక్షకులు కూడా థియేటర్స్ కి రాలేక పోయారు. ఇక నిర్మాతలు భారీ ఓపెనింగ్స్ వస్తాయని భావించి, ఖర్చుకు వెనకాడ కుండా తీశారట. తీరా చూస్తే ఓపెనింగ్స్ అంతంత మాత్రమే రావడంతో... పెట్టిన ఖర్చు కూడా రాలేదని ఫిలినగర్ టాక్. రెండో వారం గడిచే సరిచి ఈ సినిమా నష్టాల్లోనే ఉందని అంటున్నారు. ఇక మొత్తంగా చూస్తే.... కెమెరామెన్ గంగతో రాంబాబు అనుకున్నంత విజయం సాధించలేదని అంటున్నారు.