బాబు సీటుకు బాలయ్య ఎసరు పెడ్తాడా ?

Posted: 10/03/2013 03:57 PM IST

నటమూరి నటసింహం బాలక్రిష్ణ త్వరలో ప్రత్యక్ష రాజీకీయాల్లోకి రాబోతున్నాడన్న సంగతి తెలిసిందే. తండ్రి స్థాపించిన పార్టీ నుండి తన వియ్యంకుడు అయిన చంద్రబాబు అండతో వచ్చే ఎన్నికల్లో శాసనసభకు పోటీ చేయడానికి సన్నద్ధం అవుతున్నాడు. ఈయన వస్తూ వస్తూనే చంద్రబాబు సీటుకు పెసరు పెట్టాలనే ప్లాన్ లో ఉన్నాడా ? లేక ఎలాగైనా శాసనసభకు వెళ్లాలనే పట్టుదలతో ఉన్నాడో కానీ దీనికి సంబంధించి రంగం సింద్దం చేసుకుంటున్నాడు. ఇందులో భాగంగానే ఆయన తాజాగా నటిస్తున్న ‘లెజెండ్ ’ ని వచ్చే ఏడాది జరగనున్న అసెంబ్లీ ఎన్నికల ముందు అంటే ఫిబ్రవరిలో విడుదల చేసే విధంగా ప్లాన్ చేసుకుంటున్నాడట.

ఈ చిత్రంలో సమకాళీన రాజకీయాలు, ప్రస్తుతం రాష్ట్రంలో జరుతున్న పరిస్థితుల నేపథ్యంలో ఈ చిత్రం తెరకెక్కుతుండటంతో ఈ సినిమాను ప్రచార అస్త్రంగా వాడుకోవాలని భావిస్తున్నాడట. పక్కా రాజకీయ, సామాజిక అంశాలతో తెరకెక్కుతున్న ఈ చిత్రం బాలయ్యకు ఏ మేరకు ఉపయోగ పడుతుందో కానీ, గతంలో తన తండ్రి కూడా తాను నటించిన సినిమాలను రాజకీయ ప్రచార అస్త్రాలుగా వాడుకొని సీఎం అయ్యాడు. బాలయ్య కూడా తెలుగు దేశం పార్టీ అధినేతకు ఎసరు పెట్టడు కదా అని ఆ పార్టీ శ్రేణులు అంటున్నారు.