Posted: 06/23/2012 06:48 PM IST

అమ్మాయి నచ్చితే.. మనసులో గుడి కట్టే ప్రేమికులు ఉంటారు. అదే హీరోయిన్  అభిమానులకు బాగా నచ్చితే.. తమ అభిమానాన్ని ఆ హీరోయిన్ కు గుడి కట్టి .. తమ అభిమానం చాటుకుంటున్నారు తమిళ తంభిలు. ఇప్పు డు అదే బాటలో  దేశముదురు  అల్లు అర్జున్  లవర్ ఉందట. ఆమె కోసం తమిళ తంభిలు ..గుడి సిద్దం చెస్తున్నట్లు తెలుస్తుంది.

అభిమానం హద్దులు దాటితే అది ఏ రూపం దాలుస్తుందో కోలీవుడ్ పరిశ్రమను చూస్తేనే తెలుస్తుంది. గతంలో తమ అభిమాన అందాలరాశికి గుడికట్టి తమ ఇష్టాన్ని వ్యక్తీకరించారు తమిళ ప్రేక్షకులు. అలా గుడికట్టించుకున్న కథానాయికలుగా కుష్బూ, నమితలు రికార్డు సృష్టించారు. ఇప్పుడు అదే బాటలో మూడో కథానాయికగా హన్సిక నిలుస్తుంది. ఆమె అందానికి దాసులైన అభిమానులు మధురైలో ఆమెకు గుడి కట్టిస్తున్నారట. త్వరలోనే ఆ గుడి ప్రారంభమై అభిమాన భక్తులకు అందుబాటులోకి రానున్నదట. ఈ విషయాన్ని హన్సికను అడిగితే ఓ మనిషిని దేవుడుగా కొలవడం తన దృష్టిలో మంచి పద్ధతి కాదని, అభిమానం ఉంటే అది వేరేరకంగా వ్యక్తపరచవచ్చు అని అంటోంది. ఈ విషయాన్ని విన్న అభిమానులు ఏమంటారో మరి...