హీరో అజిత్ బార్డర్ పర్యటన ఫోటోలు షేర్ చేసిన బోనికపూర్

Posted: 10/23/2021 05:22 PM IST

అజిత్‌కు బైక్ రేసింగ్ అంటే ఎంత ఇష్ట‌మో ప్ర‌త్యేకంగా చెప్ప‌న‌క్క‌ర్లేదు. ఆయ‌న సినిమా షూటింగుల కోసం కొన్ని కిలో మీట‌ర్స్ బైక్‌పై ప్ర‌యాణించేవాడు. వాలిమై షూటింగ్ స‌మ‌యంలోను ఎక్కువ‌గా బైక్‌పై చ‌క్క‌ర్లు కొట్టేవాడు అజిత్. రీసెంట్‌గా వాఘా సరిహద్దు వద్ద ఉండే గేటు ద‌గ్గ‌ర నిల్చుని మూడు రంగుల జెండా పట్టుకుని ఫొటోలకు ఫోజు ఇచ్చాడు. అయితే కొద్ది సేప‌టి క్రితం బోనీ క‌పూర్ .. అజిత్ బైక్‌టూర్‌కి సంబంధించిన ఫొటోలు షేర్ చేశాడు. ఇందులో అజిత్ సైనికుల‌తో క‌లిసి ఫొటోలు దిగ‌డం గ‌మ‌నించవ‌చ్చు.

తలా అజిత్ కుమార్ హీరోగా బోనీ కపూర్ నిర్మాణంలో హెచ్ వినోద్‌ తెరకెక్కిస్తున్న వలిమై చిత్రంలో అజిత్ బైక్ రేస‌ర్‌గా క‌నిపించ‌నున్న‌ట్టు ప్ర‌చారం నడుస్తుంది. ఇటీవ‌ల గ్లింప్స్ ఒక‌టి విడుద‌ల చేయ‌గా, ఇందులో అజిత్‌తో వింత వింత విన్యాసాలు చేయించి, గాల్లో బైకును నడిపిస్తే ఎలా ఉంటుందో చూపించారు. ఇందులో అజిత్ విన్యాసాలు అందరినీ కట్టిపడేశాయి. టాలీవుడ్ హీరో కార్తికేయ సైతం విల‌న్ పాత్ర పోషిస్తుండ‌గా, ఆయ‌న న‌ట‌న‌తో అందరినీ ఆకట్టుకోనున్నాడు. యాక్షన్ సీక్వెన్‌లన్నీ కూడా హాలీవుడ్ స్థాయిలో ఉండబోతోన్నట్టు కనిపిస్తోంది.

Nothing can stop him from living his passion and making his each dream come true. Universally Loved. #AjithKumar pic.twitter.com/vcynxZdkZ8

— Boney Kapoor (@BoneyKapoor) October 23, 2021