విడుదలకు రెడీ అవుతున్న తేజ సజ్జ ‘ఇష్క’ నుంచి వీడియో సాంగ్

Posted: 07/24/2021 05:05 PM IST

Melody video song from priya prakash varrier and teja sajja s ishq

యంగ్ హీరో తేజ సజ్జ - కన్నుగీటు సుందరి ప్రియా ప్రకాశ్ వారియర్ జంటగా 'ఇష్క్ .. నాట్ ఏ లవ్ స్టోరీ' సినిమా విడుదలకు రెడీ అయ్యింది. ఈ నెల 30వ తేదీన ఈ చిత్రాన్ని థియేటర్లలో విడుదల చేస్తున్నట్లు చిత్ర బృందం ఇప్పటికే ప్రకటించింది. కరోనా రెండవ దశ తరువాత విడుదల కానున్న ఈ చిత్రానికి ఓపెనింగ్స్ ఎలా వస్తాయన్నది వేచి చూడాల్సిందే. అయితే ఈ సినిమాతో ఎస్.ఎస్.రాజు దర్శకుడిగా పరిచయం అవుతున్నాడు. ఎన్వీ ప్రసాద్ .. పారస్ జైన్ .. వాకాడ అంజన్ కుమార్ బాబు ఈ సినిమాను సంయుక్తంగా నిర్మించారు.

ఈ నేపథ్యంలో తాజాగా ఈ సినిమా నుంచి ఒక హీరోహీరోయిన్లపై సాగిన చక్కని వీడియో సాంగ్ ను వదిలారు. 'ఆనందం మదికే ..' అంటూ ఈ పాట సాగుతోంది. మహతి స్వరసాగర్ స్వరపరిచిన ఈ పాటకి శ్రీమణి సాహిత్యాన్ని అందించగా, సిద్ శ్రీరామ్ ఆలపించాడు. బ్యూటిఫుల్ విజువల్స్ పై కట్ చేసిన ఈ పాట చాలా బాగుంది. ఈ మధ్యకాలంలో వచ్చిన మంచి మెలోడీగా దీనిని చెప్పుకోవచ్చు.

ప్రియా ప్రకాశ్ వారియర్ కొంచెం ఒళ్లు చేసినట్టుగా ఉంది.. అమె ఎక్స్ ప్రెషన్లలో మాత్రం ఏ తేడా కనిపించలేదు. ఇక ప్రియాప్రకాష్ వారియర్ ఈ సినిమాలో మరింత గ్లామరస్ గా కనిపిస్తోంది. ఈ సినిమా ఆమె కెరియర్ కి హెల్ప్ అయ్యే అవకాశాలే కనిపిస్తున్నాయి. థియేటర్లు ఓపెన్ అవుతున్న రోజునే ఈ సినిమా వస్తుండటం విశేషం. 'జాంబి రెడ్డి'తో హిట్ అందుకున్న తేజ సజ్జ, ఈ సినిమాతోను సక్సెస్ ను సాధిస్తాడని ఆశిద్దాం.