అల్లు అర్జున్, రష్మిక జంటగా సుకుమార్ చిత్రం ప్రారంభం

Posted: 10/30/2019 07:23 PM IST

Allu arjun to romance rashmika mandanna in sukumar s next film

‘నా పేరు సూర్య నా ఇల్లు ఇండియా’ తర్వాత యేడాదిన్నరకు పైగా ఖాళీగా ఉన్న అల్లు అర్జున్.. వరుసగా సినిమాలు చేస్తున్నాడు. ముందుగా త్రివిక్రమ్ దర్శకత్వంలో ‘అల వైకుంఠపురములో’ సినిమా చేస్తున్నాడు. ఇప్పటికే 70 శాతం షూటింగ్ పూర్తైయిన ఈ సినిమా డిసెంబర్ నాటికి షూటింగ్ పూర్తి కానుంది. ఈ సినిమాను సంక్రాంతి కానుకగా జనవరి 12న విడుదల చేయనున్నారు. ఇక అల్లు అర్జున్.. సుకుమార్ దర్శకత్వంలో 20వ సినిమాను చేయనున్నాడు.

తాజాగా ఈ సినిమాకు ఈరోజు ఉదయం పూజా కార్యక్రమాలు చేసి కొబ్బరికాయ కొట్టారు. ఫస్ట్ టైమ్ అల్లు అర్జున్ సరసన రష్మిక మందన్న హీరోయిన్‌గా నటిస్తోంది. దేవీశ్రీ ప్రసాద్ సంగీతం అందిస్తున్నఈ సినిమాను మైత్రీ మూవీ మేకర్స్ తెరకెక్కిస్తోంది. ఈ బ్యానర్‌లో ఇది 11వ సినిమా. ఈ సినిమా ముహూర్తపు షాట్‌కు అల్లు అర్జున్ నాన్న ప్రముఖ నిర్మాత గీతా ఆర్ట్స్ అధినేత అల్లు అరవింద్ దేవుడి పటాలపై క్లాప్ కొట్టారు.

ఈ సినిమా స్క్రిప్ట్‌ను ప్రముఖ దర్శకుడు సురేందర్ రెడ్డి సుకుమార్‌కు అందజేశారు. ఇక సుకుమార్, అల్లు అర్జున్ కాంబినేషన్‌లోతెరకెక్కేబోయే ఈ సినిమా ఎర్ర చందనం అక్రమ రవాణా నేపథ్యంలో తెరకెక్కనున్నట్టు సమాచారం. ఈ సినిమా కోసం బన్ని పూర్తిగా మేకోవర్ అవుతున్నట్టు సమాచారం. ఇప్పటికే టైటిల్ విషయంలో సుకుమార్ క్లారిటీ వచ్చినట్టు సమాచారం. ‘ఆర్య’,ఆర్య2’ తర్వాత వీళ్లిద్దరి కాంబినేషన్‌లో తెరకెక్కనున్న ఈ సినిమాపై ఇండస్ట్రీలో భారీ అంచనాలే ఉన్నాయి.