వేరీజ్ ది వెంకటలక్ష్మీ టీజర్ లో అదిరిన రాయ్..

Posted: 02/06/2019 08:09 PM IST

గ్లామరస్ హీరోయిన్ గా మంచి మార్కులు కొట్టేసి.. ఇటు తెలుగు అటు తమిళ భాషల్లో బాగానే క్రేజ్ సొంతం చేసుకున్న రాయ్ లక్ష్మీ.. ప్రధాన పాత్రధారిగా 'వేరీజ్ ద వెంకటలక్ష్మీ' సినిమా రూపొందుతోంది. శ్రీధర్ రెడ్డి .. ఆనంద్ రెడ్డి .. ఆర్కే రెడ్డి ఈ సినిమాకి నిర్మాతలుగా వ్యవహరిస్తున్నారు. కిషోర్ కుమార్ దర్శకత్వం వహిస్తోన్న ఈ సినిమాలో కమెడియన్స్ ప్రవీణ్ .. మధునందన్ ముఖ్యమైన పాత్రలను పోషిస్తున్నారు.

ఇటీవల ఈ సినిమా నుంచి రాయ్ లక్ష్మీని ఫోకస్ చేస్తూ ఓ లిరికల్ సాంగ్ విడుదల చేసిన చిత్ర నిర్మాణ యూనిట్.. తాజాగా చిత్రానికి సంబంధించి ఓ టీజర్ ను విడుదల చేశారు. రాయ్ లక్ష్మీ గ్లామర్ ను హైలైట్ చేస్తూ ఈ టీజర్ ను కట్ చేశారు. యూత్ ను థియేటర్స్ కి రప్పించేలా ఈ టీజర్ వుంది. గ్లామర్ విషయంలో రాయ్ లక్ష్మీకి వంకబెట్టవలసిన పనిలేదు.

అయితే రాయ్ లక్ష్మీ గ్లామర్ ను మాత్రమే ప్రధానంగా తీసుకుని తెరకెక్కించిన సినిమాలు బాక్సాఫీసు వద్ద బోల్తా కొట్టాయి. మరి ఈ సినిమా ఆమె కెరియర్ కి ఎంతవరకూ హెల్ప్ అవుతుందో చూడాలి. హారర్- కామెడీ జోనర్ గా తెరకెక్కుతున్న ఈ చిత్రంలో ప్రవీణ్ .. మధునందన్ లకు కూడా ఓ మెట్టు ప్రమోషన్ లభించిందనే చెప్పాలి. ఈ సినిమా సక్సెస్ వాళ్ల కెరియర్ ను కూడా ప్రభావితం చేసే అవకాశాలు వున్నాయి.