ఆసక్తికరమైన సస్పెన్స్ కథతో వస్తున్న 'w/o రామ్'

Posted: 06/08/2018 05:32 PM IST

Manchu lakshmi s w o ram official trailer released

మొదటి నుంచి కూడా వైవిధ్యభరితమైన పాత్రలను ఎంచుకుంటూ.. తన నటనాభినాయానికి అవకాశం వుండే పాత్రలను చేస్తూ.. మెప్పిస్తూ.. ప్రేక్షకుల అదరాభిమానాలను చూరగొంటూ.. మంచి మార్కులు కొట్టేస్తూ.. మంచు లక్ష్మి తన ప్రత్యేకతను చాటుకుంటోంది. తాజాగా అమె ప్రధాన పాత్రలో తెరకెక్కుతున్న చిత్రం 'w/o రామ్'. విజయ్ యలకంటి దర్శకత్వంలో రూపోందుతున్న ఈ చిత్రంలో నుంచి ఇవాళ ట్రైలర్ ను విడుదల చేశారు. ట్రైలర్ చూస్తున్నంత సేపు కథ సస్పెన్స్ లో నడుస్తుందని అర్థమవుతుంది.

ఈ ట్రైలర్ లో కథ రివీల్ చేయబడుతున్నట్లుగా పాత్రల మాటలు మనకు స్పష్టం చేస్తున్నాయి. అదెలా అంటే నీ భర్త మర్డర్ కేసును నీవే ఇన్వెస్టిగేషన్ చేస్తున్నావంటా.. పోలీసుల కంటే బాగా ఇన్వెస్టిగేషన్ చేస్తావా.? అంటూ ఓ పోలిస్ అన్న మాటలు కథను రివీల్ చేసినట్లు వున్నా.. మంచు లక్ష్మీ ఒక ఫోటో పట్టుకుని ఈ ఫోటోలో వున్న వ్యక్తినేనా.. అంటూ ఓ వ్యక్తిని నిలదీయడం కూడా కనిపిస్తుంది. అంటే అసలు అమె భర్త హత్యచేయబడ్డాడా.? లేక బతికేవున్నాడా.? అన్న సస్పెన్స్ నేపథ్యంలో చిత్రం సాగుతుందని తెలుస్తుంది.

భర్త మర్డర్ జరిగిందా.? లేదా.? మిస్టరీని పోలిసులు ఛేదిస్తారా.? లేక అమె చేధిస్తుందా.? ఎవరి ప్రయత్నం ఎక్కడ వరకు చేరుకుంటుంది.? అసలు భర్త విషయంలో మిస్టరీ ఏంటీ.? అన్న అంశాలతో కూడిన ట్రైలర్ ఆసక్తికరంగా మారింది. ట్రైలర్ ఆకట్టుకునేలా వుంది .. సినిమాపై ఆసక్తిని పెంచేదిలా వుంది. మంచు ఎంటర్టైన్మెంట్ బ్యానర్ పై రూపొందిన ఈ సినిమాలో, ప్రియదర్శి .. ఆదర్శ్ బాలకృష్ణ ముఖ్యమైన పాత్రలను పోషించారు. త్వరలోనే ఈ సినిమా ప్రేక్షకుల ముందుకు రానుంది.