పద్మావతి ట్రైలర్ రిలీజ్

Posted: 10/09/2017 03:58 PM IST

బాలీవుడ్ లో మరో గ్రాండియర్ చిత్రం ట్రైలర్ రిలీజ్ అయ్యింది. మ‌హారాణి ప‌ద్మావ‌తి క‌థ‌తో ద‌ర్శ‌కుడు సంజ‌య్ లీలా భ‌న్సాలీ ప్ర‌తిష్టాత్మ‌కంగా తెర‌కెక్కించిన చిత్రం `ప‌ద్మావ‌తి`. ఈ చిత్రం ట్రైలర్ ఈరోజు రిలీజ్ అయ్యింది. ఇప్పటిదాకా ఈ చిత్ర ప్రధాన తారగణ లుక్కులను రిలీజ్ చేసిన విషయం తెలిసిందే.

మొత్తం విజువల్ తోనే మాయ చేసేందుకు బన్సాలీ ప్రయత్నించాడు. ఇవాళ విడుద‌లైన ట్రైల‌ర్‌లో ప్రధాన పాత్రల ఆహార్యాభిన‌యాలు ఆ అంచ‌నాలను రెట్టింపు చేశాయి.రాజ్‌పుత్ వంశ‌స్థుల ఖ్యాతిని వివ‌రిస్తూ ప్రారంభ‌మైన ఈ ట్రైల‌ర్ చివ‌ర్లో ప‌ద్మావ‌తిగా దీపికా ప‌దుకునే చెప్పిన `రాజ్‌పుత్‌ల ఖ‌డ్గంలో ఎంత శ‌క్తి ఉందో.. అంతే శ‌క్తి రాజ్‌పుత్ రాణుల గాజుల్లో కూడా ఉంటుంది` అనే డైలాగ్ హైలైట్‌గా నిలిచింది. ట్రైల‌ర్‌లో
చూపించిన భారీ సెట్టింగులు, యుద్ధ స‌న్నివేశాలు ఆస‌క్తిని పెంచుతున్నాయి.

 

సాప్ట్ రోల్ లో షాహిద్ కపూర్, అతన్ని వీరుడిగా సాగనంపే భార్య పద్మావతిగా దీపికా పదుకునే.. ఎలాగైనా రాజ్యాన్ని.. పద్మావతిని సొంతం చేసుకోవాలని చూసే రాజుగా అల్లావుద్దీన్ ఖిల్జీ రోల్ లో రణ్ వీర్ సింగ్ లు ఆకట్టుకున్నారు. అయితే చరిత్రలో అల్లావుద్దీన్-పద్మావతి ఒకరినొకరు చూసుకోలేదన్న వాదన ఉంది. ఖిల్జీ చేతికి చిక్కక ముందే ఆమె తన వంద మంది పరివారంతో మంటలో దూకి ఆత్మహత్య చేసుకుందని చరిత్రకారులు చెబుతుంటారు. ఈ నేపథ్యంలో రాజ్ పుత్ ల నుంచి విమర్శలు ఎదురుకాకుండా బన్సాలీ సినిమాను ఎలా తెరకెక్కించాడన్నదే ప్రధానాంశంగా మారబోతుంది. డిసెంబ‌ర్ 1న పద్మావతి చిత్రం ప్రేక్ష‌కుల ముందుకి రానుంది.