భావన కేసులో దిలీప్ మద్ధతు వ్యాఖ్యలు

Posted: 08/03/2017 09:35 AM IST

మళయాళం హీరోయిన్ భావన లైంగిక వేధింపుల కేసులో మరో సంచలన కామెంట్లు. కేసులో నిందితుడిగా ఆరోపణలు ఎదుర్కుంటున్న అగ్రహీరో దిలీప్ ను వెనకేసుకొచ్చాడు ఓ సీనియర్ ఎమ్మెల్యే. అసలు ఆమె అత్యాచారం జరిగిందన్న వాదనలో వాస్తవం ఎంత అన్న అనుమానాలు కలుగుతున్నాయంటూ వ్యాఖ్యలు చేశాడు.

కేరళ లో ఆరుసార్లు ఇండిపెండెంట్ అభ్యర్థిగా గెలుపొందిన కొట్టాయం ఎమ్మెల్యే పీసీ జార్జీ తరచూ అధికార, ప్రతిపక్షాల తీవ్ర వ్యాఖ్యలు చేస్తూనే ఉంటాడు. భావన కేసులో దిలీప్ ఎవరో చేసిన కుట్రకు బలయ్యాడని సానుభూతి వ్యక్తం చేశాడు. పోలీసులు చెబుతున్నట్లు ఆమె రేప్ కి గురైతే తర్వాత రోజు అసలు పనిలోకి ఎలా వెళ్లింది?’ అంటూ ప్రశ్నించాడు. మళయాళ చిత్రపరిశ్రమ దిలీప్ కు మద్దతివ్వాలని ఆయన కోరుతున్నాడు.

పోలీసులు కోర్టులో చెప్పినట్లు ఆ నటిపై దారుణంగా అత్యాచారం జరిగి ఉంటే తర్వాత రోజు నటించడానికి ఎలా వెళ్లగలిగింది అన్న ఆయన వ్యాఖ్యలపై తీవ్ర స్థాయిలో ఆగ్రహం వ్యక్తం చేస్తున్నాయి మహిళా సంఘాలు. స్పీకర్ ను కలిసి, ఆయనపై చర్యలు తీసుకోవాలని డిమాండ్ చేస్తున్నాయి. మరోవైపు నటుడు, కేరళ ఎంపీ ఇన్నోసెంట్ కాస్టింగ్ కౌచ్ అసలు మాలీవుడ్ లోనే లేదంటూనే.. క్యారెక్టర్ లేని వాళ్లే తప్పుడు పనులు చేస్తారంటూ కొందరు హీరోయిన్లపై పరోక్ష వ్యాఖ్యలు చేసి కలకలమే రేపాడు.