అమీర్ సోదరుడి సినిమా ఫస్ట్ లుక్

Posted: 12/21/2016 05:43 PM IST

ఇక్కడ మీరు చూస్తున్నది ఓ బాలీవుడ్ సినిమా ఫస్ట్ లుక్. పేరు డేంజర్ పోస్టర్ కూడా అదే స్థాయిలో ఉంది కదా. బాలీవుడ్ సూపర్ స్టార్ అమీర్ ఖాన్ కి స్వయానా సోదరుడైనా ఫైజల్ ఖాన్ ఇందులో హీరోగా నటిస్తున్నాడు. హర్రర్ థ్రిల్లర్ గా తెరకెక్కిన ఈ చిత్రం ఫస్ట్ లుక్ గురించి ఇప్పుడు బాలీవుడ్ లో హాట్ డిస్కషన్ నడుస్తోంది.

గతంలో పాంచ్ గంటే మే పాంచ్ క్రోర్, మై హూ రజనీకాంత్ వంటి చిత్రాలను తెరకెక్కించి వివాదాల్లో నిలిచిన దర్శకుడు ఫైజల్ సైఫ్ ఈ చిత్రానికి దర్శకత్వం వహిస్తున్నాడు. బీహార్ లోని గయలో జరిగిన వాస్తవిక ఘటనల ఆధారంగా ఈ చిత్రం తెరకెక్కించాడు. ఓ హోటల్ వచ్చే కస్టమర్లను చంపి, నరమాంసాన్ని వేరే వాళ్లకి వడ్డించటం, అక్కడకు తన భార్యతో వచ్చిన ఓ స్టాక్ బ్రోకర్ ఎలాంటి పరిస్థితులను ఎదుర్కుంటాడు అన్న కథాంశంతో ఈ చిత్రం ఉండబోతుందంట.

బాలీవుడ్ లో ఇదే భయానక చిత్రం అని చెప్పుకుంటున్నాడు దర్శకుడు పైజల్ సైఫ్. ఫైజల్ ఖాన్ లోని కొత్త యాంగిల్ ను ఇందులో చూడబోతున్నారని చెబుతున్నాడు. ప్రస్తుతం కర్ణాటకలోకి కూర్గ్ ప్రాంతంలో షూటింగ్ జరుపుకుంటున్న ఈ చిత్రాన్ని వచ్చే ఏడాది ఆగష్టు 3న హీరో ఫైజల్ బర్త్ డే సందర్భంగా విడుదల చేయనున్నారంట. వేదిత ప్రతాప్ సింగ్, వివాదాస్పద నటి కవితా రాధేశ్యామ్, తెలుగువారికి బాగా సుపరిచితురాలైన సోనీ చరిష్థా ఇందులో లీడ్ రోల్స్ పోషిస్తున్నారు.