బోర్ కొట్టి సూర్య ఏం చేస్తున్నాడో తెలుసా?

Posted: 07/06/2016 01:52 PM IST

After singam 3 suriya to act in muthiah s direction

టాలెంటెడ్ హీరో సూర్యకి తెగ బోర్ కొడుతుందట. 24 లాంటి టైమ్ ట్రావెలింగ్ కాన్సెప్ట్ తో ఉన్న ఢిపరెంట్ సినిమాతో వచ్చినప్పటికీ జనాలు పెద్దగా ఎక్కించుకోలేకపోయారు. తెలుగు ప్రేక్షకులు హిట్ చేసినప్పటికీ కోలీవుడ్ జనాలకు అది ఎందుకో కనెక్ట్ కాలేకపోయింది. దీంతో క్లాస్ వేషాలేవి తనకు అచ్చి రావటం లేదన్న అభిప్రాయానికి వచ్చాడీ కోలీవుడ్ స్టార్ హీరో.

ప్రస్తుతం సింగం-3 షూటింగ్ లో బిజీగా ఉన్న సూర్య తన తర్వాతి చిత్రం కోసం కబాలి దర్శకుడు రంజిత్ ను లైన్ లో పెట్టాడు. ఈ విషయాన్నిరంజిత్ కూడా దృవీకరించాడు. అయితే ఈ లోగా మరో డైరక్టర్ కూడా సూర్యకి స్టోరీ వినిపించడం, ఆయన ఓకే చేయటం జరిగిందని తెలుస్తోంది. విశాల్ లేటెస్ట్ చిత్రం రాయుడు తో తెలుగు వారికి చేరువయ్యాడు దర్శకుడు ముత్తయ్య. ఆయన దర్శకత్వంలోనే సూర్య సినిమా చేయబోతున్నాడని సమాచారం.

తమిళంలో గ్రామీణ నేపథ్యంలో గల కథలను తెరకెక్కించే దర్శకుడిగా ముత్తయ్యకి మంచి క్రేజ్ ఉంది. అంతేకాదు గతంలో కార్తీతో కొంబన్ అనే చిత్రాన్ని తెరకెక్కించాడు కూడా. ఇక ఇప్పుడు తన గత చిత్రాల మాదిరిగానే, ఈసారి సూర్యతోను ఆయన గ్రామీణ నేపథ్యంలో ఒక సినిమా చేయనున్నాడట. తండ్రి కొడుకుల సెంటిమెంట్ ప్రధానంగా తెరకెక్కబోతున్న ఈ చిత్రంలో సూర్య పక్కా విలేజ్ యువకుడిగా అలరించబోతున్నాడంట. ఇక నటుడు రాజ్ కిరణ్(పందెం కోడి ఫేం) సూర్యకి తండ్రి పాత్రలో నటించబోతున్నాడని తెలస్తోంది. అయితే ఈ సినిమా సింగం-3 తర్వాతనా లేక రంజిత్ సినిమా తర్వాతనా అన్నది తేలాల్సి ఉంది.