అఖిల్ టైటిల్ మిస్సైల్ కాదంటున్న నితిన్

Posted: 05/27/2015 10:05 AM IST

వి.వి.వినాయక్ దర్శకత్వంలో అక్కినేని అఖిల్ హీరోగా ఓ చిత్రం తెరకెక్కుతున్న విషయం తెలిసిందే. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇటీవలే స్పెయిన్ షెడ్యూల్ ను పూర్తి చేసుకున్నారు. త్వరలోనే ఆఫ్రికాలో షూటింగ్ ప్రారంభించనున్నారు. అఖిల్ సరసన సయేషా సైగల్ హీరోయిన్ గా నటిస్తోంది.

అన్నపూర్ణ స్టూడియోస్ సమర్పణలో శ్రేష్ఠ్ మీడియా పతాకంపై హీరో నితిన్ ఈ చిత్రాన్ని నిర్మిస్తున్నారు. థమన్, అనూప్ సంగీతం అందిస్తున్నారు. ఇటీవలే విడుదలైన ఫస్ట్ లుక్ స్టిల్స్, టీజర్ కు మంచి స్పందన వచ్చింది. కమర్షియల్ యాక్షన్ ఎంటర్ టైనర్ గా రూపొందుతున్న ఈ చిత్రానికి ‘మిస్సైల్’ అనే టైటిల్ ఖరారు చేసినట్లుగా గతకొద్ది రోజులుగా వార్తలొస్తున్నాయి.

అయితే ఈ వార్తలపై నిర్మాత నితిన్ స్పందిస్తూ... అఖిల్ సినిమా టైటిల్ మిస్సైల్ కాదని, ఇంకా ఎలాంటి టైటిల్ అనుకోలేదని, టైటిల్ ఫిక్స్ అవగానే అధికారికంగా ప్రకటిస్తామని చెప్పుకొచ్చాడు.

భారీ అంచనాలతో రూపొందుతున్న ఈ చిత్రానికి కోన వెంకట్ – గోపి మోహన్ లు స్క్రీన్ ప్లే, మాటలు సమకూరుస్తున్నారు. ఇప్పటికే విడుదలై ఫస్ట్ లుక్ టీజర్ కు భారీ స్పందన వస్తోంది. షూటింగ్ త్వరగా పూర్తి చేసుకొని, దసరా కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.