మాల్దీవుల్లో సహజీవనాన్ని ఆస్వాదిస్తున్న ప్రేమజంట

Posted: 04/22/2015 04:31 PM IST

Ranbir kapoor katrina kaif summer holidays maldives tour

ప్రస్తుతం ఇండియన్ ఇండస్ట్రీలో సంచలన ప్రేమ జంట ఏది అంటే.. చిన్నపిల్లల నుంచి పెద్దలవరకు రణబీర్, కత్రినా అని ఠక్కున చెప్పేస్తారు. ఎందుకంటే.. తొలుత సల్మాన్ తో ప్రేమాయణం నడిపిన కత్రినా.. ఆ తర్వాత వెంటనే రణబీర్ పై మనసు పారేసుకోవడం అందరినీ ఆశ్చర్యానికి గురిచేసింది. సల్మాన్ లాంటి అగ్రహీరోని వదిలేసి.. రణబీర్ లాంటి కుర్రహీరోతో ఈ అమ్మడి రిలేషన్ ఎలా కుదిరిందా? అంటూ కొన్నాళ్లవరకు బాలీవుడ్ లో చర్చలు కొనసాగాయి. ఇంకో అబ్బురపరిచే విశేషం ఏమిటంటే.. ఎప్పటినుంచైతే ఈ లవ్ బర్డ్స్ ప్రేమలో వున్నారో.. అప్పటినుంచి విచ్చలవిడిగానే తమ సహజీవనాన్ని ఆస్వాదిస్తూ వస్తున్నారు.

గతంలో ఈ జంట ఇటువంటి వార్తలను దాటవేస్తూ వస్తోంది కానీ.. వారు తమ వ్యక్తిగత జీవితాన్ని బాగానే ఎంజాయ్ చేస్తున్నారు. షూటింగులతో వీరిద్దరు బిజీగా వున్నప్పటికీ.. ఫ్రీగా సమయం దొరికినప్పుడల్లా ఏకాంతంగా కాలం గడుపుతుంటారు. అంతేకాదు.. ప్రతిఏటా తమకు నచ్చిన లొకేషన్ కి వెళ్లి.. అక్కడ తమ ఏకాంత సమయాన్ని ఎంజాయ్ చేస్తుంటారు. ఈ తరహాలోనే తాజాగా వీరిద్దరు సమ్మర్ హాలిడే కోసం మాల్దీవుల్లో ల్యాండ్ అయ్యారు. భానుడి ప్రతాపంలో చల్లని వాతావరణాన్ని ఆస్వాదించేందుకు ఈ ప్రేమజంట ఈ హాట్ లొకేషన్ కి వలస వెళ్లారని తెలుస్తోంది. ఇద్దరూ కలిసి అక్కడి ఎయిర్ పోర్టులో దిగుతుండగా.. ఎవరో ఒకరు ఫోటో తీశారు. ఇప్పుడా ఫోటో సోషల్ మీడియాలో తెగ హల్ చల్ చేస్తోంది.

రెండేళ్ల క్రితం స్పెయిన్ లోని బీచ్ ప్రాంతంలో కత్రినా బికినీలో కనువిందు చేయగా.. ఆమెతోపాటు రణబీర్ నేక్డ్ గా కనిపించి వార్తల్లోకెక్కారు. ఈసారి మాల్దీవుల్లో కూడా వీరు అలాగే దర్శనమిచ్చే అవకాశముందని అంతా అనుకుంటున్నారు. ఏదిఏమైనా.. ఈ జంట పెళ్లికి ముందే ఈ జంట ఇలా విచ్చలవిడిగా సహజీవనాన్ని ఆస్వాదిస్తూ నిత్యం వార్తల్లోకెక్కుతున్నారు.