దీపికా పదుకునే చేజార్చుకుంది

Posted: 09/12/2013 07:57 PM IST

Deepika padukone pulls out of her hollywood film

సినీ తారలు ఒక్కోసారి చేతికి అందివచ్చిన అవకాశాలను చేజార్జుకొని బాధ పడుతుంటారు. ఇప్పుడు బాలీవుడ్ లో దూసుకుపోతున్న దీపికా పదుకునే కూడా ఓ మంచి అవకాశాన్ని చేజార్జుకుంది. ఇటీవలే ఆమె తొలిసారిగా హాలీవుడ్ మూవీ ‘ఫాస్ట్ & ఫ్యూరియస్-7 ’లో నటించే అవకాశాన్ని దక్కించుకున్న విషయం తెలిసిందే. ఈ సినిమా దీపికాకు అవకాశం రావడంతో ఈ అమ్మడు పంటపండినట్లేనని అందరు అనుకున్నారు. కానీ ఈ సినిమా నుండి దీపికా తప్పుకుందని సమాచారం. ప్రస్తుతం బాలీవుడ్ లో బిజీగా ఉన్న ఈ అమ్మడు ఈ సినిమా షూటింగ్ కోసం యూఎస్ లో కొన్నాళ్ళ పాటు ఉండాలని చెప్పడంతో ఇప్పటికే కమీట్ అయిన సినిమాలకు సమస్య వచ్చి పడుతుందని భావించి ఈ సినిమా నుండి తప్పుకుంటున్నట్లు చెప్పిందట ఆ చిత్ర నిర్మాతలకు. యూనివర్శల్‌ పిక్చర్స్‌ అత్యంత భారీ వ్యయంతో రూపొందిస్తున్న ఈ చిత్రంలో హాలీవుడ్ నటులైన విన్ డీజిల్, జాసన్ స్టాతం మరియు ద్వాయ్నే జాన్సన్ (ది రాక్) ఈ సినిమాలో నటిస్తున్నారు. ఈమె తప్పుకోవడంతో మరో కథానాయికను వెతికే పనిలో పడ్డారు.