Posted: 10/15/2012 04:10 PM IST

టాలీవుడ్ కి ‘ఏమైంది ఈవేళ’ చిత్రం ద్వారా ఎంట్రీ ఇచ్చినా, మెగా పవర్ స్టార్ అయిన రామ్ చరణ్ తో ‘రచ్చ ’ సినిమా తీసి సక్సెస్ సాధించి తనకంటూ ఓ గుర్తింపు తెచ్చకున్న సంపత్ నంది తాజాగా మెగా ఫ్యామిలీకి చెందిన మరో హీరో పవర్ స్టార్ పవన్ కళ్యాణ్ తో ఓ సినిమా చేయబోతున్నట్లు వార్తలు వస్తున్న విషయం తెలిసిందే. కానీ తాజాగా పవన్ కళ్యాణ్ ఆ దర్శకుడి స్టోరి విని గ్రీన్ సిగ్నల్ ఇఛ్చినట్లు వార్తలు. ఈ చిత్రానికి ప్రొడ్యూసర్ గా శరత్ మరార్ గా ఖరారు అయినట్లు ఫిల్మ్ వర్గాల సమాచారం. శరత్ మరార్ అనే అతను ఎన్టీవీకి సీఈఓ గా వ్యవహరిస్తున్నాడు. గత కొంత కాలంగా శరత్ మరార్ తో పవన్ సాన్నిహిత్యం పెరగడంతో ఇతనికి ప్రొడ్యూస్ చేసే అవకాశం ఇచ్చినట్లు చెబుతున్నారు. రచ్చ' లాగానే పక్కా కమర్షియల్ స్టోరీ ఐడియాతో పవన్ ని సంప్రదించాడని,గబ్బర్ సింగ్ తరహా హిట్ అవుతుందని నమ్మి స్కిప్టు ఓకే చేసాడని తెలుస్తోంది. త్వరలోనే ఈ చిత్రానికి సంభందించి ప్రకటన వస్తుందని చెప్పుకుంటున్నారు. పవన్ ఫ్యాన్స్ కి సరిపోయేలా డైలాగులు,సీన్లతో మళ్లీ కలుస్తానని సంపత్ పవన్ కళ్యాణ్ కి చెప్పాడని అంటున్నారు. మొత్తానికి సంపత్ నంది మెగా ఫ్యామిలీ హీరోల దర్శకుల జాబితాలో చేరబోతున్నాడన్న మాట.