Posted: 03/02/2012 07:28 PM IST

‘శక్తి’ దెబ్బతో తన ఇమేజ్ లోని శక్తిని కోల్పోయిన జూనియర్ ఎన్టీఆర్ ఊసరవెల్లితో కాస్తంత పుంజుకున్నాడు. ఊసరవెల్లి కూడా అనుకున్నంత విజయం సాధించలేక పోయినా ఎన్టీఆర్ ఇమేజ్ ని కొంత మేరకు కాపాడిందని చెప్పవచ్చు. ఈ రెండు చిత్రాలు నిరాశ పరచడంతో తనలోని దమ్ముని చూపించడానికి ‘సింహా’ లాంటి బ్లాక్ బ్లస్టర్ సినిమాని ఇచ్చిన మాస్ డైరెక్టర్ బోయపాటి శీను దర్శకత్వంలో ప్రతిష్టాత్మంగా ‘దమ్ము’ సినిమాని తీస్తున్న విషయం తెలిసిందే. ఈ చిత్రంలో ఎన్టీఆర్ సరసన త్రిష, కార్తీక హీరోయిన్లుగా నటిస్తున్నారు.
ఎంతో వైవిధ్యమైన పాత్రలతో మాస్ ఎంటర్ టైనర్ గా తెరకెక్కుతున్న ఈ చిత్రం యొక్క టైటిల్ డిజన్ అధికారికంగా విడుదల చేశారు.

ఈ టైటిల్ డిజైన్ అద్బుతంగా ఉందని సినీ యూనిట్ తో పాటు, ఎన్టీఆర్ అభిమానులు అంటున్నారు. సినీ వర్గాల నుంచి అందిన సమాచారం ప్రకారం మార్చి 19న ఆడియో విడుదల చేసేందుకు సన్నాహాలు చేస్తున్నట్లు తెలుస్తోంది.  ఇదిలా ఉంటే...దమ్ము చిత్రం విడుదలకు ముందే బిజినెస్ పరంగా దుమ్ము రేపుతోంది. ఇప్పటికే ఈ చిత్రానికి సంబంధించిన రైట్స్‌ను డిస్ట్రిబ్యూటర్లు సొంతం చేసుకున్నారు. వీటి ద్వారా ఈ చిత్రం ఇప్పటికే దాదాపు రూ. 40 కోట్ల వరకు వసూలు చేసిందని అంటున్నారు.