ముడతలను నివారించే బ్యూటీ టిప్స్..

Posted: 11/13/2015 01:09 PM IST

ఎన్ని బ్యూటీ ప్రోడక్ట్స్ వాడినా ముఖంపై వుండే ముడతలు త్వరితంగా తొలగిపోవు. అవి అందంగా వుండే ముఖాన్ని విహీనంగా మార్చేస్తాయి. అంతేకాదు.. వయస్సు పెరిగినట్లు ముఖం కనిపిస్తుంది. మరికొందమందిలో ఈ ముడతల ప్రభావం ఎలా వుంటుందంటే.. అతి తక్కువ వయ్స్సులోనే  ముసలివారులాగా కనిపిస్తారు. అలాంటప్పుడు వాటి నుంచి శాశ్వతంగా ఉపశమనం పొందాలంటే కొన్ని చిట్కాలు పాటిస్తే చాలని బ్యూటీషియన్లు అంటున్నారు. ఖరీదైన ప్రోడక్ట్స్ వాడకుండానే ఇంట్లో వుండే పదార్థాల ద్వారా రెమెడీలు చేసుకుని, ముఖానికి పట్టిస్తే ముడతలను నిర్మూలించుకోవచ్చునని అంటున్నారు. మరి.. ఆ చిట్కాలేంటో తెలుసుకుందామా...

* తాజా టమేటోలను బాగా చితక్కొట్టి.. అలా వచ్చిన రసాన్ని ఒక గ్లాసులో తీసుకోవాలి. ఈ రసంలో రెండు చెంచాల పాలు కలిపి బాగా కలియబెట్టారు. ఈ విధంగా తయారైన ఈ మిశ్రమాన్ని ముఖానికి రాసుకుని, 10-15 నిమిషాలపాటు అలాగే వుంచుకోవాలి. ఆ తర్వాత గోరువెచ్చని నీటితో శుభ్రంగా కడిగేసుకోవాలి. ఇలా చేయడం వల్ల చర్మం మీద ఉన్న మృతకణాలు తొలగించబడతాయి. పైగా చర్మం లోపలికి వెళ్ళి శుభ్రం చేస్తుంది. ముఖచర్మం మీదుండై తైలాలను తొలగించి తాజాదనాన్ని, కాంతిని సంతరించుకుంటుంది.

* ముఖంపై వుండే ముడతలను నివారించడంలో పైనాపిల్స్ బాగానే సహకరిస్తాయి. ఒక పాత్ర తీసుకుని అందులో ఒక్కొక్క స్పూన్ చొప్పున పైనాపిల్ రసం, యాపిల్ రసం వేసి బాగా కలుపుకోవాలి. ఈ మిశ్రమాన్ని ముఖానికి రాసుకుని 15 నిమిషాలపాటు అలాగే వుంచుకోవాలి. అనంతరం చల్లని నీటితో శుభ్రం చేసుకోవాలి.  దీనిలో ఉన్న రసాల చర్యల ద్వారా ముఖచర్మం బాగా శుభ్రమై వెలుగును సంతరించుకున్నదిగా అవుతుంది. ముడతలు నివారించబడి, కాంతులీనే సౌందర్యం పొందవచ్చనని నిపుణులు అంటున్నారు.