ముఖ కాంతిని పెంపొందించే టమోటా జ్యూస్

Posted: 09/15/2015 12:24 PM IST

చర్మ సౌందర్యాన్ని మెరుగుపరుచుకోవడం కోసం మహిళలు ఎన్నోరకాల ప్రయత్నాలు చేస్తారు. రకరకాల బ్యూటీ ప్రోడక్ట్స్ తరుచూ వాడటం, బ్యూటీ పార్లర్లకు వెళ్లడం, ఇంకా ఇతర మార్గాలు అవలంభిస్తుంటారు. అయితే.. వీటన్నికంటే సింపుల్ గా టమోటా జ్యూస్ రాసుకుంటే చాలని బ్యూటీషియన్లు అంటున్నారు. నిర్దేశించిన సమయాల్లో టమోటా జ్యూస్ ను అప్లై చేసుకుంటే.. చర్మం కాంతివంతంగా తయారవుతుందని చెబుతున్నారు.

* రాత్రి నిద్రిపోవడానికి ముందు టమోటోను సగానికి కట్ చేసి ముఖానికి అప్లై చేయాలి. తర్వాత రోజు ఉదయం చల్లటి నీటితో శుభ్రంగా కడిగేసుకోవాలి. ఇలా రెగ్యులర్ గా చేస్తే.. చర్మం కాంతివంతంగా మారడంతోపాటు మృదువుగా తయారవుతుంది. అంతేకాదు.. మెటిమలు పూర్తిగా నివారించబడుతాయి.

* టమోటా జ్యూస్ ముఖానికి రాసుకోవడానికి ముందు ఐస్ క్యూబ్‌తో మర్దన చేసుకోవాలి. 15నిముషాల తర్వాత టమోటో ముక్కలతో ముఖం మీద మర్దన చేయాలి. ఒక గంట తర్వాత చల్లటి నీటితో శుభ్రం చేసుకోవాలి. ఇలా చేస్తే మొటిమలతోపాటు మచ్చలు దూరం అవుతాయి. పలితంగా చర్మసౌందర్యం మరింత మెరుగవుతుంది.

* ఒక బౌల్లో టమోటో జ్యూస్‌ను తీసుకొని.. అందులో కొద్దిగా నిమ్మరసం, బేకింగ్ సోడా వేసి బాగా మిక్స్ చేసుకోవాలి. ఈ మిశ్రమాన్ని ముఖానికి అప్లై చేసి, కాసేపు మర్దన చేసుకోవాలి. 10 నిముషాల తర్వాత ముఖాన్ని శుభ్రం చేసుకుంటే.. చర్మం కాంతివంతంగా తయారవుతుంది. ఇలా రెగ్యులర్ గా చేస్తే.. డార్క్ స్కిన్ దూరమవుతుంది.