బొప్పాయి గుజ్జుతో.. అరగంటలో అందం!

Posted: 04/10/2015 03:45 PM IST

Papaya fruit home remedies beauty benefits skin problems

బొప్పాయిలో ఆరోగ్యానికి సంబంధించిన పోషక విలువలతోపాటు చర్మసౌందర్యాన్ని పెంపొందించే లక్షణాలూ వుంటాయి. ఈ బొప్పాయితో రకరకాల రెమెడీలను తయారుచేసుకుని, వాటిని ముఖానికి రాసుకుంటే అరగంటలోనే సౌందర్యం పొందవచ్చు. అలాగే.. చర్మసమస్యలను నివారించే ప్రోటీన్లు ఇందులో వుంటాయి. ఒక్కమాటలో చెప్పాలంటే.. ఈ బొప్పాయిలో పోషకాల విలువెంతో.. అందాన్ని మెరుగుపరిచే బోలెడు ఉపయోగాలున్నాయి. మరి.. అవేమిటో తెలుసుకుందామా..

* చర్మంపై మురికిని తొలగించుట : వాతావరణ పరిస్థితుల మార్పు కారణంగా చర్మంపై మురికి పేరుకుపోతుంది. పైగా వేసవిలో అయితే చెమట విపరీతంగా విమర్జించడం, అదే సమయంలో దుమ్ము, ధూళి ముఖంపై పడటంతో మురికి మరింత ఎక్కువగా పేరుకుపోతుంది. ఇలాంటి సమయంలో అరకప్పు బొప్పాయి గుజ్జులో అరచెక్క నిమ్మరసం పిండి, బాగా కలపాలి. ఈ మిశ్రమాన్ని ముఖానికి, మెడకీ రాసుకోవాలి. 15 నిముషాల అనంతరం తడి ఆరిన తర్వాత గోరువెచ్చని నీరుతో శుభ్రం చేయాలి. అంతే! మురికి పూర్తిగా తొలిగిపోవడంతోపాటు చర్మసౌందర్యం మెరుగుపడుతుంది.

* మృతకణాల నుంచి విముక్తి : చర్మంమీద దుమ్ము, ధూళీ బాగా పేరుకుపోయిన సందర్భంలో మృతకణాల సమస్య అధికమవుతుంది. అవి చర్మాన్ని బరకగా (పొడిబారిపోవడం), మురికిగా మార్చేస్తాయి. అప్పుడు ఒక పాత్రలో అరకప్పు బొప్పాయిలో గుజ్జు తీసుకుని అందులో గుప్పెడు పంచదార వేసి, బాగా కలుపుకోవాలి. ఈ మిశ్రమాన్ని ముఖానికి పట్టించి, మృదువుగా చర్మంపై రుద్దుకోవాలి. తర్వాత కొద్దిసేపటివరకు అలాగే వుంచుకోవాలి. 10 నిముషాల అనంతరం తడి ఆరిన తర్వాత గోరువెచ్చని నీరుతో శుభ్రం చేయాలి. ఇలా చేయడం వల్ల మృతకణాలు తొలిగిపోతాయి.

* అరగంటలో అందం : పార్టీకి వెళ్లేందుకు సమయం అవుతుంది. చిటికెలోనూ తాజాగా మారాలి. అలాంటప్పుడు బ్యూటీ ప్రోడక్ట్స్ ని కాకుండా బొప్పాయి గుజ్జు రెమెడీ ఉపయోగిస్తే.. తక్షణమే ఫలితం పొందవచ్చు. ఆ రెమెడీ కోసం... ఒక పాత్రలో కొద్దిగా బొప్పాయి గుజ్జు తీసుకుని అందులో కీరదోస రసాన్ని వేసి బాగా కలుపుకోవాలి. అందులో చెంచా తేనె, చెంచా గంధం పొడి, చెంచా ముల్తానీ మట్టి జతచేసి.. అవసరాన్ని బట్టి పాలతో మెత్తని పేస్టులా చేసుకోవాలి. ఈ మిశ్రమాన్ని ముఖానికి పూతలా వేసుకుంటే.. అది చర్మాన్ని కాంతివంతంగా మార్చేస్తుంది.