ఒక్కడి కారణంగా 18 మంది బలి

Posted: 12/08/2014 04:14 PM IST

Nepal bus fell into valley caused 18 people death

నేపాల్ లో బస్సు లోయలో పడిన దుర్ఘటనలో 18మంది దుర్మరణం చెందారు. బస్సులోని ప్రయాణికుల సమాచారం ప్రకార.., కైలాలి జిల్లాలోని టికాపూర్ నుంచి కాలికోట్ కు వెళ్తుండగా అదుపుతప్పిన బస్సు 600మీటర్ల లోతులోని లోయలో పడిపోయింది. ఈ దుర్ఘటనలో ఘటనా స్థలంలోనే 14మంది చనిపోగా.., ఆస్పత్రిలో నలుగురు ప్రాణాలు కోల్పోయారు. మరో 49మంది తీవ్రంగా గాయపడ్డారు.

బస్సు డ్రైవర్ అప్రమత్తంగా వ్యవహరించకపోవటం వల్లే ప్రమాదం జరిగి ఉంటుందని స్థానికులు చెప్తున్నారు. లోయ ప్రాంతంలో జాగ్రత్తగా వెళ్ళకుండా నిర్లక్ష్యంగా వ్యవహరించటం వల్లే ప్రమాదం జరిగిందని చెప్తున్నారు. ఘటనపై కేసు నమోదు చేసిన నేపాల్ పోలిసులు విచారణ జరుపుతున్నారు.

కార్తిక్