రజినీ రాజకీయాలపై ఫుల్ క్లారిటి

Posted: 12/08/2014 12:47 PM IST

Rajinikanth brother satyanarayana on politics

తమిళ సూపర్ స్టార్ రజినీకాంత్ రాజకీయ రంగ ప్రవేశంపై కొద్ది కాలంగా హాట్ హాట్ చర్చలు జరుగుతున్నాయి. వస్తాడు అని రాడు అనీ.., కొంత సమయం తర్వాత తెలుస్తుందని ఎవరికి ఇష్టం వచ్చినట్లు వారు కామెంట్ చేసుకుంటున్నారు. ఆ మద్య రాజకీయాలపై ఆసక్తి లేదు అని స్వయంగా రజినీ క్లారిటి ఇవ్వగా.., ఇప్పుడు ఆయన సోదరుడు ఫుల్ క్లారిటీ ఇచ్చేశాడు. రజినీ రాజకీయాల్లో ఇమడలేడు అని చెప్పాడు.

ఈనెల 12న రజిని పుట్టినరోజు కావటంతో నిర్వహించే ప్రత్యేక కార్యక్రమాల్లో భాగంగా తిరుచ్చి ఆలయంలో అభిమానులు చేయిస్తున్న వెండి రథం పనులను సత్యనారాయణ పరిశీలించారు. ఈ సందర్బంగా రాజకీయాలపై విమర్శలు చేశారాయన. రజినీ రాజకీయాల్లో ఇమడలేడు.., ఆయన్ను ఇకపై ఎవరూ ఒత్తడి చేయవద్దు అని స్పష్టం చేశాడు. అంతేకాదు రాజకీయం అంటేనే మోసం అని విమర్శించారు. నేతల మనస్తత్వం, వ్యవహార శైలి సమయం, సందర్బంను బట్టి మారుతుంటే ప్రజలకు సేవ చేయలేమన్నారు.

ఇక తమిళంలో ఉన్న రాజకీయ నేతలపై కూడా విమర్శలు గుప్పించారు. తమిళ రాజకీయ నేతలంతా అవకాశవాదులే అని మండిపడ్డారు. రజినీ రాజకీయాల్లోకి రావాలని అభిమానులు సైతం కోరుకుంటున్నా.., అవకాశవాద నేతలుండటం వల్ల ఇది జరగదని సత్యనారాయణ చెప్పారు.

కార్తిక్