ఎరక్కపోయి ఇరుక్కున్న మాజి సీఎం

Posted: 11/24/2014 11:06 AM IST

మహారాష్ర్ట మాజి ముఖ్యమంత్రి సొంత కార్యాలయంలో తీవ్ర ఇబ్బందులు పడ్డారు. నలబై ఐదు నిమిషాల పాటు లిఫ్ట్ల్ లో ఇరుక్కుని ఇబ్బంది పడ్డారు. ముంబైలోని చర్చి గేటు వద్ద ఉన్న కార్యాలయంకు వెళ్లే క్రమంలో ఇది జరిగింది. ఫస్ట్ ఫ్లోర్ లో ఉన్న కార్యాలయంకు చేరుకునేందుకు గ్రౌండ్ ఫ్లోర్ లోని లిఫ్ట్ ఎక్కిన వెంటనే సాంకేతిక కారణంతో నిలిచిపోయింది. అలా నలబై ఐదు నిమిషాల పాటు లిఫ్ట్ కదల్లేదు. దీంతో మాజి సీఎం లిప్ట్ లోనే చిక్కకున్నారు. సాంకేతిక లోపం సరిచేసేందుకు సిబ్బంది ప్రయత్నించినా వారి వల్ల కాలేదు.

చివరకు విషయం తెలుసుకున్న ఫైర్ సిబ్బంది, ఘటనా స్థలానికి చేరుకుని లిఫ్ట్ ను తెరిచారు. దీంతో చవాన్ తో పాటు అందులో ఉన్న పార్టీ ప్రధాన కార్యదర్శి సంజయ్ దత్ సురక్షితంగా బయటపడ్డారు. ఎలాంటి ప్రమాదం జరగకపోవటంతో అంతా ఊపిరిపీల్చుకున్నారు. ఇంతకీ పృథ్వీరాజ్ చౌహన్ కార్యాలయం ఏ ఫ్లోర్ లో ఉందో తెలుసా.. ఫస్ట్ ఫ్లోర్ లో. అంటే ఒక అంతస్థు ఎక్కటానికి ఆయన బద్దకం వల్ల నలబై ఐదు నిమిషాల సమయం పట్టిందన్నమాట.

కార్తిక్