శ్రీశైలం నుంచి పూర్తిస్థాయి విద్యుదుత్పాదన

Posted: 11/18/2014 01:32 PM IST

Telangana government producing hydel power in full capacity at srisailam project

తెలంగాణ ప్రజలకు ఇటీవల కురిసిన వర్షాలు ఊరటనిస్తున్నాయి. విద్యుత్ సంక్షోభంతో తల్లడిల్లిన తెలంగాణ ప్రజలకు ఇప్పుడు కోతలు లేని నాణ్యమైన విద్యత్ అందుబాటులోకి వస్తోంది. దీంతో కోతలు ప్రభుత్వం తగ్గించింది. అప్పులు తీర్చలేక, పంటలు పండక.. పలు రాష్ట్రాల్లోని రైతాంగం ఆత్మహత్యలకు పాల్పడిన తరువాత.. కళ్లు తెరచిన కేసీఆర్ ప్రభుత్వం.. చత్తీస్ గడ్ నుంచి 1000 మెగావాట్ల విద్యుత్ ను కొనుగోలు చేసింది. దీంతో పరిశ్రమలకు విధించిన రెండు రోజుల పవర్ హాలిడేను ఒక రోజుకు కుదించింది.

దీనికి తోడు ఇటీవల కురిసిన వర్షాలతో శ్రీశైలం జలాశయానికి 857 అడుగుల మేర నీరు వచ్చి చేరింది. దీంతో శ్రీశైలం ఎడమగట్టు విద్యుత్‌ కేంద్రం నుంచి తెలంగాణ ప్రభుత్వం పూర్తిస్థాయి విద్యుదుత్పాదన చేస్తోంది. ఆరు యూనిట్లలో అధికారులు విద్యుదుత్పత్తిని కొనసాగిస్తున్నారు. 44 వేల క్యూసెక్కుల నీటిని దిగువకు విడుదల చేస్తున్నారు. శ్రీశైలం జలాశయంలో ప్రస్తుతం 856.30 అడుగుల నీటిమట్టం ఉంది.

జి.మనోహర్