అక్టోబర్ 20.. చివరి తేదీ కాదు..

Posted: 10/16/2014 09:11 PM IST

October 20 is not deadline for pension says ktr

తెలంగాణ రాష్ట్రంలో పెన్సన్లు, ఆహార భద్రతా కార్టులకు అక్టోబర్ 20 తేది డెడ్ లైన్ కాదు అని ఐటీ శాఖామంత్రి కేటీఆర్ స్పష్టం చేశారు. దరఖాస్తుల సమర్పణ నిరంతర ప్రక్రియని అది అలాగే కోనసాగుతుందన్నారు. అర్హులైన ప్రతి లబ్దిదారుడు ఎప్పుడైనా ప్రభుత్వ సంక్షేప పథకాల కోసం దరఖాస్తు చేసుకోవచ్చని ఆయన అన్నారు. సంక్షేమ పథకాల అమలుపై ప్రజలు ఆందోళన చెందాల్సిన అవసరం లేదని ఆయన తెలిపారు. దరఖాస్తు ఇప్పుడు ఇచ్చి, ధృవీకరణ పత్రం తర్వాత ఇచ్చినా ఫర్వాలేదని కేటీఆర్ వివరించారు.

లబ్దిదారులకు పథకాల సమాచారాన్ని అందించేందుకు కలెక్టర్లు, అధికారులతో కేటీఆర్ వీడియో కాన్ఫరెన్స్ నిర్వహించారు. అనంతరం ఆయన మీడియాతో మాట్లాడుతూ.. గతంలో మాదిరిగానే సంతృప్తికరమైన పద్దతిలోనే ప్రభుత్వ పథకాల అమలు జరుగుతుందన్నారు. అయితే అసలైన అర్హులకు ప్రయోజనం చేకూర్చేందుకే తమ ప్రభుత్వం పలు కఠిన నిర్ణయాలు తీసుకందని చెప్పారు. మరోవైపు రేపు కేటీఆర్ సహా తెలంగాణ అధికారుల బృందం గుజరాత్ వెళ్లనున్నారు. గుజరాత్ వాటర్‌గ్రిడ్ తీరుతెన్నులను, ఈ-పంచాయతీ పనితీరు, నిర్వహణలను ఈ బృందం పరిశీలించనుంది

జి.మనోహర్