హర్యానా ఎన్నికల్లో సరికొత్త రికార్డు సృష్టించిన ‘‘బీజేపీ’’!

Posted: 10/15/2014 09:15 PM IST

సార్వత్రిక ఎన్నికల్లో భారతదేశ రాజకీయ చరిత్రలోనే ఎన్నడూలేని విధంగా భారీమెజార్టీతో చేజిక్కించుకున్న బీజేపీ పార్టీ... అదే దూకుడుతో హర్యానాలోనూ దూసుకుపోతున్నట్లు తెలుస్తోంది. హర్యానా అసెంబ్లీ ఎన్నికల్లోనూ బీజేపీ భారీ మెజారటీని సాధించనుందని ఎగ్జిట్ పోల్స్ వెల్లడించింది. మొత్తం 90 అసెంబ్లీ స్థానాలున్న హర్యానాలో బీజేపీ పార్టీయే ఎక్కువగా గెలుచుకునే అవకాశాలు చాలావరకు వున్నాయని తెలిపింది.

ఇప్పటికే హర్యానాలో 73 శాతం పోలింగ్ జరగడంతో విజయం ఎవరిదనే ఆసక్తి ప్రతిఒక్కరిలోనూ రేగుతోంది. దీంతో టుడే చాణక్య ఎగ్జిట్ పోల్స్ ను వెల్లడించిన నేపథ్యంలో.. ఈ అసెంబ్లీ ఎన్నికల్లో బీజేపీయే అత్యధిక మెజారిటీ సాధించనుందని తెలుస్తోంది. 90 స్తానాలున్న హర్యానా అసెంబ్లీలో బీజేపీ 52 స్థానాలు గెలుచుకుంటుందని అంచనాలను ఎగ్జిట్ పోల్స్ వెల్లడించాయి. తరువాత ఐఎన్ఎల్ డీకి 23 స్థానాలు, కాంగ్రెస్ కేవలం 10 స్థానాలకే పరిమితమవుతుందని పోల్స్ స్పష్టం చేస్తున్నాయి. ఇక ఇతరులు 5 స్థానాల్లో విజయకేతం ఎగురవేస్తారని వివరించాయి.

AS