హుద్ హుద్ బాధితులకు అండగా వుంటాం..

Posted: 10/14/2014 07:11 PM IST

హుదూద్ తుపాను విలయం సృష్టించిన ఉత్తరాంధ్ర జిల్లాల్లో బాధితులకు అండగా నిలుస్తామని వై'సీపీ అధినేత జగన్‌ అన్నారు. తుపాను ప్రభావిత ప్రాంతాల్లో ఆయన పర్యటిస్తున్నారు. ఉదయం రాజమండ్రి బయల్దేరి వెళ్లిన ఆయన అక్కడ నుంచి  విశాఖ జిల్లాకు చేరుకుని అక్కడి పర్యటిస్తున్నారు.  ఇందులో భాగంగా నక్కపల్లి మండలంలోని కాగిత గ్రామంలో ధ్వంసమైన జీడి, మామిడి తోటలను జగన్ పరిశీలించారు. బాధిత రైతులను అడిగి వివరాలు తెలుసుకున్నారు. తుపాన్ ప్రభావంతో నష్టపోయిన వారికి తమ పార్టీ నుంచి పూర్తి సహకారం ఉంటుందని తెలిపారు. బాధితులకు ప్రభుత్వం నుంచి అందాల్సిన సహాయం అందే వరకూ వైఎస్సార్ సీపీ అండగా నిలుస్తుందన్నారు.
 
తుపాను వల్ల ప్రజా జీవనం పూర్తిగా అతలాకుతలమైన  శ్రీకాకుళం, విజయనగరం, విశాఖపట్టణం, పాక్షికంగా నష్టపోయిన తూర్పు గోదావరి జిల్లాల్లో జగన్  పర్యటన సాగుతుంది. బాధ్యత గల ప్రతిపక్ష నేతగా జగన్ సహాయక చర్యలు పూర్తయ్యేవరకు ఆ నాలుగు జిల్లాల్లోనే ఉండి ప్రజలకు బాసటగా నిలుస్తారని పార్టీ వర్గాలు తెలిపాయి.

జి.మనోహర్