సోమవారం ‘సుప్రీం’లో తేలనున్న జయ భవితవ్యం

Posted: 10/11/2014 10:05 AM IST

Supreme court decides jayalalithaa bail plea on monday

తమిళనాడు మాజీ ముఖ్యమంత్రి, అన్నాడీఎంకే అధినేత్రి జయలలిత బెయిల్ పిటిషన్ పై సుప్రీంకోర్టు సోమవారం విచారణ చేపట్టే అవకాశాలున్నాయి. ఆదాయానికి మించిన ఆస్తుల కేసులో బెంగళూరులోని పరప్పన అగ్రహర జైలు అవరణలోని ప్రత్యేక కోర్టు ఇచ్చిన తీర్పును సవాల్ చూస్తూ.. ఈ కేసులో తనకు బెయిల్ మంజూరు చేయాలని దేశ అత్యున్నత న్యాయస్థానం సుప్రీంకోర్టును ఆశ్రయించారు. అత్యవసరంగా విచారించాల్సిన కేసుల జాబితాలో దాఖలైన ఈ పిటిషన్ ను సుప్రీంకోర్టు రిజిస్ట్రీ సోమవారం విచారణకు అనుమతించనున్నట్లు జయ తరఫు న్యాయవాదులు అంచనా వేస్తున్నారు.

అక్రమాస్తుల కేసులో దోషిగా తేలిన జయలలిత నాలుగేళ్ల జైలు శిక్షతో పాటు రూ. 100 కోట్ల జరిమానాను విధించిన పరప్పనా అగ్రహారం కోర్టు తీర్పును సవాల్ చేస్తూ.. దాఖలు చేసిన బెయిల్ పిటీషన్ ను ఈ నెల 7న కర్నాటక హైకోర్టు కోట్టివేసింది. జయలలితకు బెయిల్ ఎందుకివ్వాలన్న విషయంలో స్పష్టత లోపించిందని కోర్టు పేర్కొంది. ఈ నేపథ్యంలో అగ్రహార కోర్టు తీర్పును సవాల్ చేస్తూ తనకు బెయిల్ మంజూరు చేయాలని కోరుతూ జయలలిత సుప్రీంకోర్టును ఆశ్రయించారు.

జి.మనోహర్