పెట్టుబడులకు హైదరాబాద్ అనువైన ప్రాంతం

Posted: 09/27/2014 03:04 PM IST

పెట్టుబడులకు హైదరాబాద్ అనువైన ప్రాంతమని తెలంగాణ రాష్ట్ర హోంశాఖ మంత్రి నాయిని నర్సింహారెడ్డి అన్నారు. అందుకనే పెట్టుబడి దారుల దృష్టంతా ఇప్పుడు హైదరాబాద్‌పైనే ఉందని ఆయన ధీమా వ్యక్తం చేశారు. హైదరాబాద్ లో వుండే అనువైన వాతావరణం, రోడ్డు, రవాణా, విద్యుత్, తదితర మెరుగైన మౌలిక వసతులు ఇప్పటికే ఉన్నాయని, దీంతో పరిశ్రమల స్థాపన సమస్యే కాదన్నారు.

ముఖ్యమంత్రి కేసీఆర్ ఆధ్వర్యంలో వున్న పరిశ్రమల శాఖ.. సింగిల్ విండో ద్వారా అనుమతులు మంజూరు చేస్తుండడంతో.. పారిశ్రామిక వేత్తలు కూడా కొత్త ప్రాజెక్టుల స్థాపనకు ముందుకు వస్తున్నారన్నారు. వీటితో పాటు రాబోయే రోజుల్లో పలు కంపెనీలు హైదరాబాద్ కేంద్రంగా రానున్నాయని నాయిని తెలిపారు. బెంగళూరు అభివృద్ధి చెందిందని అక్కడివారంతా హైదరాబాద్ వచ్చేందుకు సుముకం  ఉన్నారన్నారు. పరిశ్రమల స్థాపనతో యువతకు మంచి ఉపాధి అవకాశాలు మెండుగా ఉంటాయని పేర్కొన్నారు.

జి.మనోహర్