రామాలయ నిర్మాణానికిదే మంచి తరుణం..

Posted: 09/25/2014 10:53 AM IST

అయోధ్యలో రామాలయ నిర్మాణ అంశం మరోమారు తెరపైకి వచ్చింది. గతంలో బీజేపి అధికారంలోకి వచ్చినా.. అది బీజేపి నేతృత్వంలోని ఎన్డీఏ ప్రభుత్వం కావడంతో మౌనంగా వున్నా విశ్వహిందూ పరిషత్.. ఇప్పడు మళ్లీ రామాలయ నిర్మాణ అంశాన్ని తెరపైకి తీసుకువస్తోంది. ప్రస్తుతం బీజేపికి పార్లమెంటులో పూర్తి బలం వుండడంతో ఎన్ని అవంతరాలనా ఎదుర్కొని అయోద్యలో రామాలయ నిర్మాణన్ని పూర్తి చేయాలని విశ్వహిందూ పరిషత్ బీజేపిని కోరింది. ఇప్పటికి ఇదే మంచి తరుణమని, ఇంతకు మించిన అవకాశం మరోమారు వస్తుందో.. రాదో.. అప్పటి వరకు వేచి చూడకుండా రామాలయ నిర్మాణ కార్యక్రమాన్ని సాధ్యమైనంత త్వరగా పూర్తి చేయాలని డిమాండ్ చేస్తోంది.

వీలైనంత త్వరగా అయోధ్యలో రామాలయాన్ని కట్టి తీరాల్సిందేనని వీహెచ్పీ నాయకుడు అశోక్ సింఘాల్ అన్నారు. బీజేపీ మాజీ ఎంపీ, 'శిలాన్యాసం' మూలపురుషుడు మహంత్ అవైద్యనాథ్ స్మారకార్థం నిర్వహించిన శ్రద్దాంజలి సభలో సింఘాల్ ఈ వ్యాఖ్యలు చేశారు. కార్యక్రమంలో ఆయనీ వ్యాఖ్యలు చేశారు. మహంత్జీ ఆశయాల మేరకు ఆలయాన్ని వీలైనంత త్వరగా కట్టాలని ఈ కార్యక్రమంలో పాల్గొన్న అశోక్ సింఘాల్ అన్నారు. అయితే.. అదే కార్యక్రమంలో పాల్గొన్న బీజేపీ జాతీయాధ్యక్షుడు అమిత్ షా మాత్రం దీనిపై వ్యాఖ్యానించేందుకు నిరాకరించారు. దీనిపై మీడియా అమిత్ షాను ప్రశ్నించగా, ఆయన మాత్రం నేరుగా సమాధానం ఇవ్వకుండా తప్పించుకున్నారు. అధికారంలో వుండగా బీజేపికి రామాలయ నిర్మాణం గుర్తుకు రాదన్న విమర్శలను నిజం చేస్తూ దాటవేసే ప్రయత్నం చేశారు. ఈ దఫా కేంద్రంలో బీజేపి రామాలయ నిర్మాణం చేపడతామని అధికారంలోకి రాలేదని, కేవలం గుజరాత్ తరహా అభివృద్దిని దేశవ్యాప్తం చేయాలన్న నినాదంతోనే వచ్చిందని బీజేపి వర్గాలు వ్యాఖ్యానించాయి.

జి మనోహర్